Rules
Allotment of Days for Answering Questions
Ballot Chart for Questions
Schedule for Web Updation of Questions
Starred Questions
&
Answers
Short notice questions
Half an hour Discussions
കേരള മെഡിക്കൽ സർവീസസ് കോർപ്പറേഷൻ കോഴിക്കോട് ജില്ല മരുന്ന് സംഭരണശാല
2290.
ഡോ. എം. കെ. മുനീർ : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
കേരള മെഡിക്കൽ സർവീസസ് കോർപ്പറേഷന്റെ കോഴിക്കോട് ജില്ലയിലെ മരുന്ന് സംഭരണശാല എത്ര കാലമായി വാടക കെട്ടിടത്തിൽ പ്രവർത്തിക്കുന്നുവെന്നും നിലവിലെ മരുന്ന് സംഭരണശാല എവിടെയാണെന്നും ഇത് നഗരപരിധിയിൽ നിന്നും എത്ര കിലോമീറ്റർ അകലെയാണെന്നുമുള്ള വിവരങ്ങൾ ലഭ്യമാക്കുമോ;
( ബി )
പ്രസ്തുത മരുന്ന് സംഭരണശാലയുടെ കെട്ടിടത്തിന്റെ ഉടമകളുടെ പേര് അറിയിക്കുമോ;
( സി )
നിലവിലെ വാടക കെട്ടിടത്തിന് നാളിതുവരെയായി എത്ര തുക വാടകയായി നൽകിയിട്ടുണ്ടെന്ന വിവരം ലഭ്യമാക്കുമോ;
( ഡി )
പ്രസ്തുത കെട്ടിടം കോഴിക്കോട് ജില്ലയിലെ കെ. എം. എസ്. സി. എൽ. ന്റെ മരുന്ന് സംഭരണശാലയ്ക്ക് വാടകയ്ക്ക് നൽകുവാൻ ഉടമകൾക്ക് സഹകരണ വകുപ്പിന്റെ അനുമതി ലഭിച്ചിട്ടുണ്ടോ;
( ഇ )
പ്രസ്തുത വാടക കെട്ടിടത്തിന് ഫയർഫോഴ്സിന്റെ എൻ. ഒ. സി. ലഭിച്ചിട്ടുണ്ടോയെന്ന് വ്യക്തമാക്കുമോ;
( എഫ് )
പ്രസ്തുത മരുന്ന് സംഭരണശാലയ്ക്ക് സ്വന്തമായി കെട്ടിടം നിർമ്മിക്കുവാൻ സർക്കാർ ഭൂമി അനുവദിച്ച് നൽകിയിട്ടുണ്ടോയെന്ന് വ്യക്തമാക്കുമോ; സ്വന്തമായി കെട്ടിടം നിർമ്മിക്കുവാൻ സർക്കാർ ഭൂമി അനുവദിച്ച് നൽകുവാൻ ആവശ്യപ്പെട്ടുകൊണ്ട് കെ. എം. എസ്. സി. എൽ. സർക്കാരിന് കത്ത് നൽകിയിട്ടുണ്ടോയെന്ന് വ്യക്തമാക്കുമോ; എങ്കിൽ പ്രസ്തുത കത്തിന്റെ പകർപ്പ് ലഭ്യമാക്കുമോ;
( ജി )
പ്രസ്തുത മരുന്ന് സംഭരണശാലയ്ക്ക് സ്വന്തമായി കെട്ടിടം പണിയുവാൻ സർക്കാർ/ ഏജൻസി തുക അനുവദിച്ചിട്ടുണ്ടോ; എങ്കിൽ അനുവദിച്ച തുക എത്രയാണെന്ന് വ്യക്തമാക്കുമോ; പ്രസ്തുത സംഭരണശാലയ്ക്ക് സ്വന്തമായി കെട്ടിടം പണിയുവാൻ ഏതെങ്കിലും കമ്പനി / ഏജൻസികളുമായി കരാറിൽ ഏർപ്പെട്ടിട്ടുണ്ടോ?
കാഞ്ഞങ്ങാട് മണ്ഡലത്തിൽ ആരോഗ്യ വകുപ്പിന് കീഴിലുള്ള പദ്ധതികൾ
2291.
ശ്രീ ഇ ചന്ദ്രശേഖരന് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
കാഞ്ഞങ്ങാട് മണ്ഡലത്തിൽ ആരോഗ്യവകുപ്പ് 2021 മുതൽ വിവിധ പദ്ധതികള് പ്രകാരം നടപ്പിലാക്കിയിട്ടുള്ളതും നടപ്പിലാക്കി വരുന്നതുമായ വികസന പദ്ധതികൾ ഏതെല്ലാമാണെന്നും പ്രസ്തുത പദ്ധതികളുടെ നിലവിലെ സ്ഥിതിയെന്തെന്നും വിശദമാക്കാമോ?
കോട്ടക്കല് മണ്ഡലത്തിലെ ഐസൊലേഷന് വാര്ഡ് നിര്മ്മാണം
2292.
പ്രൊഫ. ആബിദ് ഹുസൈൻ തങ്ങൾ : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
2021 - 22 വര്ഷത്തെ എം.എല്.എ. ആസ്തി വികസന ഫണ്ട് വിനിയോഗിച്ച് ഐസൊലേഷന് വാര്ഡ് നിര്മ്മിക്കുന്നതിനായി കോട്ടക്കല് മണ്ഡലത്തില് നിന്ന് നിലവില് ഏത് ആശുപത്രിയെയാണ് തെരഞ്ഞെടുത്തിരിക്കുന്നതെന്ന് വ്യക്തമാക്കാമോ;
( ബി )
കോട്ടക്കല് മണ്ഡലത്തില് ഐസൊലേഷന് വാര്ഡ് നിര്മ്മിക്കുന്ന പ്രവൃത്തിയുടെ നിലവിലെ സ്ഥിതി വ്യക്തമാക്കാമോ; ഐസൊലേഷൻ വാർഡ് നിർമ്മിക്കുന്നതുമായി ബന്ധപ്പെട്ട് എന്തെങ്കിലും തടസ്സമുണ്ടോയെന്ന് വ്യക്തമാക്കുമോ; എങ്കിൽ ആയത് പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;
( സി )
പ്രസ്തുത നിർമ്മാണവുമായി ബന്ധപ്പെട്ട് സ്വീകരിച്ച തുടർനടപടികളുടെ വിശദാംശം ലഭ്യമാക്കാമോ; നിര്മ്മാണം വേഗത്തില് പൂര്ത്തീകരിക്കുന്നതിനുള്ള നടപടി സ്വീകരിക്കുമോയെന്ന് വിശദമാക്കാമോ?
ആലത്തൂര് മണ്ഡലത്തില് ആരോഗ്യ വകുപ്പ് മുഖേന നടപ്പാക്കിയ പ്രവര്ത്തനങ്ങള്
2293.
ശ്രീ . കെ .ഡി .പ്രസേനൻ : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
ആലത്തൂര് മണ്ഡലത്തില് 2016 മുതല് 2025 വരെ ആരോഗ്യ വകുപ്പ് മുഖേന നടപ്പാക്കിയ വികസന പ്രവര്ത്തനങ്ങളുടെ വിശദമായ റിപ്പോര്ട്ട് ലഭ്യമാക്കാമോ?
നഴ്സിംഗ് സ്ക്കൂളുകൾക്ക് അനുവദിച്ചിട്ടുള്ള ബസ്സുകൾ
2294.
ശ്രീ. കെ.വി.സുമേഷ് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
കേരളത്തിലെ ഏതെല്ലാം നഴ്സിംഗ് സ്ക്കൂളുകൾക്കാണ് ബസ് അനുവദിച്ച് ഉത്തരവായിട്ടുള്ളതെന്ന് വ്യക്തമാക്കാമോ;
( ബി )
ഓരോ സ്ക്കൂളിനും അനുവദിച്ച ബസ്സുകളുടെ സീറ്റ് കപ്പാസിറ്റി, തുക എന്നിവ സഹിതം വിശദവിവരം ലഭ്യമാക്കാമോ;
( സി )
കണ്ണൂർ നഴ്സിംഗ് സ്ക്കൂളിന് ബസ് അനുവദിച്ച് ഉത്തരവായിട്ടുണ്ടോ; വിശദാംശം നൽകാമോ;
( ഡി )
ഇല്ലെങ്കിൽ സ്ക്കൂളിന് ബസ് അനുവദിക്കുന്നതിനുള്ള പ്രൊപ്പോസൽ നൽകിയിട്ടുണ്ടോ; എങ്കിൽ അതിന്മേൽ സ്വീകരിച്ച നടപടികൾ എന്തെല്ലാമാണെന്ന് വിശദമാക്കാമോ;
( ഇ )
പ്രസ്തുത സ്കൂളിന് ബസ് അനുവദിക്കുന്നതിന് എന്തെങ്കിലും തടസങ്ങളുണ്ടോ; വിശദാംശം നൽകാമോ?
ഒറ്റപ്പാലം മണ്ഡലത്തില് ആരോഗ്യ വകുപ്പ് മുഖേനയുള്ള പ്രവൃത്തികള്
2295.
ശ്രീ. കെ. പ്രേംകുമാര് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
2021-22 സാമ്പത്തിക വര്ഷം മുതല് ഒറ്റപ്പാലം മണ്ഡലത്തില് ആരോഗ്യ വകുപ്പ് മുഖേന നടന്നിട്ടുള്ളതും ഇനി നടക്കാനിരിക്കുന്നതുമായ പ്രവൃത്തികള് ഏതെല്ലാമെന്നും അവയ്ക്ക് അനുവദിച്ചിട്ടുള്ള തുക എത്രയെന്നും വിശദമാക്കാമോ?
മെഡിക്കൽ കോളേജിൽ സ്ഥാപിച്ച വൈറോളജി ആൻഡ് മോളിക്യുലാർ ബയോളജി ലാബ്
2296.
ശ്രീ. മോൻസ് ജോസഫ് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
തിരുവനന്തപുരം മെഡിക്കൽ കോളേജിൽ സ്ഥാപിച്ച വൈറോളജി ആൻഡ് മോളിക്യുലാർ ബയോളജി ലാബ് രണ്ടുവർഷം കഴിഞ്ഞിട്ടും പ്രവർത്തനം ആരംഭിക്കാത്തതിന്റെ പ്രധാന കാരണം എന്താണ്; വിശദമാക്കുമോ;
( ബി )
ലാബിന്റെ നിർമ്മാണവും സൗകര്യങ്ങളും (സിവിൽ ജോലികൾ, ഫർണിച്ചർ) പൂർത്തിയായിട്ടും യന്ത്രങ്ങൾ വാങ്ങാൻ വൈകിയതിന്റെ കാരണം വിശദമാക്കാമോ;
( സി )
ആദ്യ ടെണ്ടർ പ്രക്രിയയിൽ ഒരു കമ്പനി മാത്രമാണോ പങ്കെടുത്തത്; തുടർന്ന് റീടെണ്ടർ നടത്താത്തതിന്റെ കാരണങ്ങൾ എന്തൊക്കെയാണെന്ന് വ്യക്തമാക്കാമോ;
( ഡി )
ലാബിന്റെ ചുമതലയിലേക്ക് പരിഗണിച്ച വ്യക്തിയുടെ യോഗ്യതയെക്കുറിച്ച് ഉണ്ടായ തർക്കം പ്രവർത്തനം വൈകാൻ കാരണമായോ; വിശദമാക്കാമോ;
( ഇ )
ഗുരുതര വൈറസ് രോഗങ്ങൾ (നിപ്പ, ഹെപ്പറ്റൈറ്റിസ്, എച്ച്. ഐ. വി. തുടങ്ങിയവ) നിർണയിക്കാൻ ആവശ്യമായ ലാബുകളുടെ സൗകര്യം സംസ്ഥാനത്തുതന്നെ ഒരുക്കുന്നതിന് പകരം ഇപ്പോഴും എന്തുകൊണ്ടാണ് പുണെയിലെ നാഷണൽ ഇൻസ്റ്റിറ്റ്യൂട്ട് ഓഫ് വൈറോളജിയെ ആശ്രയിക്കേണ്ടി വരുന്നത്; വിശദമാക്കാമോ;
( എഫ് )
സംസ്ഥാനത്തിലെ മറ്റ് കേന്ദ്രങ്ങളിൽ (തോന്നയ്ക്കൽ ലൈഫ് സയൻസ് പാർക്ക്, ആലപ്പുഴ മെഡിക്കൽ കോളേജ്) വൈറോളജി ലാബുകൾ പ്രവർത്തിക്കുന്നുണ്ടെങ്കിലും തിരുവനന്തപുരം മെഡിക്കൽ കോളേജിൽ മാത്രം ലാബിന്റെ പ്രവർത്തനം വൈകാൻ പ്രത്യേക കാരണമുണ്ടോ; വ്യക്തമാക്കാമോ;
( ജി )
സർക്കാർ 180 കോടി രൂപയുടെ വികസന പദ്ധതികൾ മെഡിക്കൽ കോളേജിൽ പ്രഖ്യാപിച്ചിട്ടും അതിൽ വൈറോളജി ലാബ് ഉൾപ്പെടാത്തത് എന്തുകൊണ്ടാണെന്ന് വിശദമാക്കാമോ?
നാഷണൽ ക്വാളിറ്റി അഷ്വറൻസ് സ്റ്റാൻഡേർഡ്സ് സര്ട്ടിഫിക്കേഷന് ലഭിച്ച കുടുംബാരോഗ്യ കേന്ദ്രങ്ങള്
2297.
ശ്രീ. യു. ആര്. പ്രദീപ് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
സംസ്ഥാനത്തെ എത്ര പ്രാഥമിക ആരോഗ്യ കേന്ദ്രങ്ങളെ കുടുംബാരോഗ്യ കേന്ദ്രമാക്കി ഉയര്ത്തിയിട്ടുണ്ട്;
( ബി )
ഇനി എത്ര എണ്ണം കുടുംബാരോഗ്യ കേന്ദ്രമാക്കി ഉയര്ത്താനുണ്ട്;
( സി )
എത്ര കുടുംബാരോഗ്യ കേന്ദ്രങ്ങള്ക്കാണ് ദേശീയ ഗുണനിലവാര സൂചികയായ നാഷണൽ ക്വാളിറ്റി അഷ്വറൻസ് സ്റ്റാൻഡേർഡ്സ് സര്ട്ടിഫിക്കേഷന് ലഭിച്ചത്; അവയുടെ പേരുവിവരം വ്യക്തമാക്കുമോ?
ഗാര്ഹിക പീഡന പരാതി
2298.
ശ്രീ ഇ ചന്ദ്രശേഖരന്
ശ്രീ . മുഹമ്മദ് മുഹസിൻ
ശ്രീ. വി. ആർ. സുനിൽകുമാർ
ശ്രീ. സി.സി. മുകുന്ദൻ : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
സ്ത്രീകൾക്കെതിരായ വിവേചനങ്ങൾ ഇല്ലാതാക്കുന്നതിനും അവരുടെ സമഗ്രമായ ശാക്തീകരണം ഉറപ്പാക്കുന്നതിനുമായി ക്രിയാത്മകമായ ഇടപെടലുകൾ ഉണ്ടാകേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;
( ബി )
ഗാർഹിക പീഡന നിരോധന നിയമത്തിന്റെ ഫലമായി നമ്മുടെ സമൂഹത്തിലെ സ്ത്രീകളുടെ ജീവിതങ്ങളിൽ ഗുണപരമായ മാറ്റമുണ്ടായിട്ടുണ്ടോയെന്ന പരിശോധന നടത്തിയിട്ടുണ്ടോ; ഗാർഹിക പീഡന പരാതിയുമായി എത്തുന്ന പെൺകുട്ടികള്ക്കും സ്ത്രീകള്ക്കും തുടർപിന്തുണ ഉറപ്പാക്കുന്നതിന് നടപടികള് സ്വീകരിച്ചിട്ടുണ്ടോ; വിശദമാക്കാമോ;
( സി )
സ്ത്രീകൾക്കും കുട്ടികൾക്കുമെതിരെ അതിക്രമങ്ങൾ തടയുന്നതിനും അതിജീവതർക്ക് ആവശ്യമായ കൗൺസിലിംഗ്, വൈദ്യസഹായം, നിയമസഹായം എന്നീ സേവനങ്ങൾ ഒരു കുടക്കീഴിൽ ഉറപ്പുവരുത്തുന്നതിനുമായി പദ്ധതി നടപ്പിലാക്കിയിട്ടുണ്ടോ; വിശദമാക്കാമോ;
( ഡി )
അക്രമം നേരിടുന്ന സ്ത്രീകളുടെ മാനസികവും സാമൂഹികവുമായ ആവശ്യങ്ങൾ കൈകാര്യം ചെയ്യുന്നതിന് സഖി വൺ സ്റ്റോപ്പ് സെന്ററുകളിലെ ജീവനക്കാർക്ക് അടിസ്ഥാനപരവും നൂതനവുമായ പരിശീലനം നൽകിയിട്ടുണ്ടോ; വിശദമാക്കാമോ?
ക്രഷ് ജീവനക്കാരുടെ ശമ്പളം
2299.
ശ്രീ. ചാണ്ടി ഉമ്മന് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
പിഞ്ചുകുഞ്ഞുങ്ങളെ പരിപാലിച്ചിരുന്ന ക്രഷുകൾ അടച്ചുപൂട്ടി അംഗൻവാടികൾക്ക് കീഴിലാക്കിയപ്പോൾ ക്രഷുകളിലെ ജീവനക്കാരെ മുഴുവൻ സാമൂഹ്യ നീതി വകുപ്പിലേക്ക് പുനർവിന്യസിച്ചിട്ടുണ്ടോയെന്ന് വ്യക്തമാക്കുമോ;
( ബി )
ഇപ്രകാരം പുനർവിന്യസിച്ചപ്പോൾ ജീവനക്കാർക്ക് നേരത്തെ ലഭിച്ചിരുന്ന ശമ്പളം/ അലവൻസ് നിരക്കുകൾ കുറഞ്ഞിട്ടുണ്ടോ; ഉണ്ടെങ്കിൽ ഇതിന്റെ സാഹചര്യം വ്യക്തമാക്കാമോ; കുറവുണ്ടായിട്ടുണ്ടെങ്കിൽ ആയത് പരിഹരിക്കാൻ എന്ത് നടപടിയാണ് സ്വീകരിച്ചതെന്ന് വിശദമാക്കുമോ;
( സി )
ക്രഷുകളിലെ അദ്ധ്യാപകർക്കും ആയമാർക്കും എത്ര തുക വീതമാണ് ഇപ്പോൾ ശമ്പളം നൽകുന്നതെന്നും ഇതിൽ കേന്ദ്ര വിഹിതവും സംസ്ഥാനം വിഹിതവും എത്ര വീതമാണെന്നും വ്യക്തമാക്കുമോ; നിലവിൽ ജീവനക്കാർക്ക് നൽകുവാനുള്ള ശമ്പള കുടിശിക എത്രയാണെന്നും ഇത് എന്നത്തേക്ക് വിതരണം ചെയ്യാനാകുമെന്നും വ്യക്തമാക്കാമോ?
ആശാവർക്കർമാരുടെ വിവിധ ആവശ്യങ്ങൾ സംബന്ധിച്ച പഠന റിപ്പോർട്ട്
2300.
ഡോ. എം. കെ. മുനീർ
ശ്രീ. എൻ. ഷംസുദ്ദീൻ
ശ്രീ. മഞ്ഞളാംകുഴി അലി : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
ആശാവർക്കർമാരുടെ വിവിധ ആവശ്യങ്ങൾ സംബന്ധിച്ച് പഠിക്കാൻ നിയോഗിച്ച സമിതിയുടെ റിപ്പോർട്ടിലെ ശിപാർശകൾ നടപ്പിലാക്കാൻ ഉദ്ദേശിക്കുന്നുണ്ടോ; വിശദമാക്കാമോ;
( ബി )
ആശാവർക്കർമാരുടെ ജോലികൾ ഏകീകരിക്കാനും വേതനം കൃത്യമായി നൽകുന്നതിനും എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?
മെഡിക്കല് വിദ്യാഭ്യാസ രംഗത്തെ പുരോഗതി
2301.
ശ്രീ. കെ. എം. സച്ചിന്ദേവ്
ശ്രീ. ഐ. ബി. സതീഷ്
ശ്രീ. ലിന്റോ ജോസഫ്
ശ്രീ. കെ.വി.സുമേഷ് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
ഈ സർക്കാർ അധികാരത്തിൽ വന്നശേഷം മെഡിക്കല് കോളേജുകളിലെ പി. ജി. സീറ്റുകളുടെ എണ്ണത്തിനുണ്ടായ വര്ദ്ധനവ് വിലയിരുത്തിയിട്ടുണ്ടോ; വിശദ വിവരം നൽകുമോ;
( ബി )
സംസ്ഥാനത്ത് പുതുതായി ആരംഭിച്ച മെഡിക്കല് ഗവേഷണ കേന്ദ്രങ്ങളെക്കുറിച്ച് വിശദമാക്കാമോ;
( സി )
മെഡിക്കല് വിദ്യാഭ്യാസ രംഗത്ത് ഗവേഷണത്തിലും ചികിത്സാ രംഗങ്ങളിലും കൈവരിച്ച മുന്നേറ്റങ്ങള് വിലയിരുത്തിയിട്ടുണ്ടോ; വിശദീകരിക്കാമോ?
മെഡിക്കൽ കോളേജുകളിലെ അദ്ധ്യാപക തസ്തികകൾ
2302.
ശ്രീ. ചാണ്ടി ഉമ്മന് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
കാസർഗോഡ്, വയനാട് സർക്കാർ മെഡിക്കൽ കോളേജുകളിൽ പുതിയ എം. ബി. ബി. എസ്. സീറ്റുകൾ ലഭ്യമായതിനെത്തുടർന്ന് ഇവിടെ പുതിയ അദ്ധ്യാപക തസ്തികകൾ സൃഷ്ടിച്ചിട്ടുണ്ടോ; എത്ര അദ്ധ്യാപക തസ്തികകൾ ഇപ്രകാരം പുതുതായി ആവശ്യമുണ്ടെന്ന് വിശദമാക്കുമോ;
( ബി )
നിലവിൽ മറ്റു മെഡിക്കൽ കോളേജുകളിൽ നിന്ന് ഇവിടേക്ക് അദ്ധ്യാപകരെ താത്കാലികമായി സ്ഥലംമാറ്റി കൊണ്ടുവന്നിട്ടുണ്ടോ; ആയതിന്റെ വിശദാംശങ്ങൾ നൽകാമോ;
( സി )
എങ്കിൽ എത്ര കാലത്തേക്കാണ് താത്കാലിക സംവിധാനം ഏർപ്പെടുത്തുന്നതെന്നും സ്ഥലം മാറ്റം ലഭിച്ച അദ്ധ്യാപകർ ജോലി ചെയ്തിരുന്ന മെഡിക്കൽ കോളേജുകളിൽ അവർ നിർവഹിച്ചിരുന്ന അക്കാദമികവും ക്ലിനിക്കലുമായ ജോലികൾ പ്രസ്തുത ട്രാൻസ്ഫർ വഴി തടസ്സപ്പെടാതിരിക്കുന്നതിന് എന്തെല്ലം മുൻകരുതലുകൾ സ്വീകരിച്ചിട്ടുണ്ടെന്നും വിശദമാക്കുമോ;
( ഡി )
ഇപ്രകാരമുള്ള താത്കാലിക സ്ഥലംമാറ്റങ്ങൾ വിദ്യാർത്ഥികളുടെ പഠനം തടസ്സപ്പെടാനും രോഗികളുടെ ചികിത്സ മുടങ്ങാനും കാരണമാകുമെന്ന് കണ്ട് ആവശ്യമായ തസ്തികകൾ എത്രയും വേഗം സൃഷ്ടിച്ച് നിയമനങ്ങൾ നടത്തുന്നതിനുവേണ്ട നടപടികൾ സ്വീകരിക്കാമോ?
ഫാർമസി കോളേജിൽ അദ്ധ്യയനം
2303.
ശ്രീ. എൽദോസ് പി. കുന്നപ്പിള്ളിൽ : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
കേരള അക്കാദമി ഓഫ് ഫാർമസിയുടെ ലോഗോ സംസ്ഥാന സർക്കാരിന്റേതിന് സമാനമാണെന്ന പരാതി ലഭിച്ചിട്ടുണ്ടോ; ഉണ്ടെങ്കിൽ എന്ത് നടപടിയാണ് കൈക്കൊണ്ടിട്ടുള്ളത്; ഒരു സ്വകാര്യ സ്ഥാപനത്തിന് കേരള എന്നു തുടങ്ങുന്ന പേരിടാൻ നിയമാനുസൃതം അനുമതിയുണ്ടോ; വ്യക്തമാക്കാമോ;
( ബി )
അഡ്മിഷൻ എടുക്കുന്ന വിദ്യാർത്ഥികളിൽ നിന്നും പുതിയതായി ജോലിക്ക് എത്തുന്ന ഉദ്യോഗാർത്ഥികളിൽ നിന്നും സർട്ടിഫിക്കറ്റുകൾ പിടിച്ചു വയ്ക്കാൻ കോളേജ് അധികൃതർക്ക് അവകാശമുണ്ടോ; അഞ്ച് (05) ടെമ്പററി അഡ്മിഷൻ മാത്രമുള്ള കോളേജിൽ വിദ്യാർത്ഥികളെ യൂണിവേഴ്സിറ്റി പരീക്ഷ എഴുതിക്കാൻ നിയമാനുസൃതം അനുമതിയുണ്ടോ; ഇല്ലെങ്കിൽ പ്രസ്തുത കോളേജിലെ ടെമ്പററി അഡ്മിഷൻ മാത്രമുള്ള വിദ്യാർത്ഥികൾക്ക് എങ്ങനെ യൂണിവേഴ്സിറ്റി ഹാൾടിക്കറ്റ് വിതരണം ചെയ്തു; നിയമപ്രകാരം അതിന് തെറ്റില്ലെങ്കിൽ പ്രസ്തുത കോളേജിലെ പരീക്ഷ എഴുതിയ ടെമ്പററി വിദ്യാർത്ഥികളുടെ റിസൾട്ട് എന്തുകൊണ്ടാണ് യൂണിവേഴ്സിറ്റി തടഞ്ഞു വച്ചത്; അങ്ങനെ തടഞ്ഞുവച്ച റിസൾട്ട് എന്തടിസ്ഥാനത്തിലാണ് പിന്നീട് പ്രസിദ്ധീകരിച്ചത്; വിശദമാക്കാമോ ;
( സി )
2025 ഓഗസ്റ്റ് ഒന്നാം തീയതി ഡി.എം.ഒ. ഓഫീസിൽ നിന്നും ടി കോളേജിൽ നടത്തിയ ഇൻസ്പെക്ഷൻ റിപ്പോർട്ട് പ്രസിദ്ധീകരിച്ചിട്ടുണ്ടോ; റിപ്പോർട്ടിന്മേൽ എന്ത് നടപടി സ്വീകരിച്ചു; വ്യക്തമാക്കാമോ;
( ഡി )
കാട്ടാക്കട കേരള അക്കാദമി ഓഫ് ഫാർമസി കോളേജിലെ വിദ്യാർത്ഥി സമരത്തെ തുടർന്ന് അനിശ്ചിതകാലത്തേക്ക് കോളേജ് അടച്ചിട്ടത് ശ്രദ്ധയിൽപ്പെട്ടിട്ടുണ്ടോ; തുടർന്ന് വിദ്യാർത്ഥികളുമായി ചർച്ച ചെയ്തു പ്രശ്നം പരിഹരിക്കാൻ എ.ഡി.എം. നിർദേശിച്ച പ്രകാരം തഹസിൽദാർ നടത്തിയ ഇടപെടലിൽ മുഴുവൻ വിദ്യാർത്ഥികളുടെയും പ്രശ്നങ്ങൾ പരിഹരിക്കപ്പെട്ടിട്ടുണ്ടെന്ന് ഉറപ്പാക്കാൻ കഴിഞ്ഞിട്ടുണ്ടോ; വിശദമാക്കാമോ;
( ഇ )
കേരള ആരോഗ്യ സർവകലാശാലയുടെയും ഇന്ത്യൻ ഫാർമസി കൗൺസിലിന്റെയും മാനദണ്ഡ പ്രകാരമുള്ള അദ്ധ്യാപകരല്ല കോളേജിൽ ക്ലാസ് എടുക്കുന്നതെന്ന പരാതിയെപ്പറ്റി അന്വേഷിച്ചിട്ടുണ്ടോ; ഒരു ഫാർമസി കോളേജിൽ അദ്ധ്യയനം നടത്തുന്നതിനായുള്ള സർക്കാർ നിർദ്ദേശിച്ചിരിക്കുന്ന സൗകര്യങ്ങൾ ഈ കോളേജിൽ ഉള്ളതായി ഇൻസ്പെക്ഷനുകളിൽ കണ്ടെത്തിയിട്ടുണ്ടോ; വിവരങ്ങൾ ലഭ്യമാക്കാമോ;
( എഫ് )
2024 ൽ ഈ സ്ഥാപനത്തിൽ നിന്നും രാജിവച്ച പ്രിൻസിപ്പലിന്റെ വ്യാജ ഒപ്പിട്ട് 2025 ജൂണിലും വ്യാജരേഖ ചമച്ചിട്ടുണ്ടെന്ന പരാതിയിൽ അന്വേഷണം നടന്നിട്ടുണ്ടോ; സർക്കാർ അംഗീകരിച്ചതിൽ കൂടുതൽ ഫീസ് വിദ്യാർത്ഥികളിൽ നിന്നും ഈടാക്കുന്നതായുള്ള പരാതികളിന്മേൽ എന്തുനടപടിയാണ് കൈക്കൊണ്ടിട്ടുള്ളത്; വിശദമാക്കാമോ?
തിയേറ്റര് ടെക്നീഷ്യന് / അനസ്തേഷ്യ ടെക്നീഷ്യന് തസ്തികയിലെ ഒഴിവുകള്
2304.
ശ്രീ. അൻവർ സാദത്ത് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
മെഡിക്കല് വിദ്യാഭ്യാസ വകുപ്പിന് കീഴിലുള്ള ഏതെല്ലാം സര്ക്കാര് സ്ഥാപനങ്ങളില് എത്ര വീതം തിയേറ്റര് ടെക്നീഷ്യന്/ അനസ്തേഷ്യ ടെക്നീഷ്യന് അംഗീകൃത അനുവദനീയ തസ്തികകള് ഉണ്ടെന്ന വിവരം സ്ഥാപനത്തിന്റെ പേര്, തസ്തികകളുടെ എണ്ണം, പ്രസ്തുത തസ്തികകളില് ജോലി ചെയ്യുന്നവരുടെ എണ്ണം, ഒഴിഞ്ഞു കിടക്കുന്ന തസ്തികകളുടെ എണ്ണം എന്നിവ ഉൾപ്പെടെ ലഭ്യമാക്കുമോ;
( ബി )
മെഡിക്കല് വിദ്യാഭ്യാസ വകുപ്പിന് കീഴിലുള്ള ഏതെല്ലാം സര്ക്കാര് സ്ഥാപനങ്ങളില് എത്ര ആളുകള് തിയേറ്റര് ടെക്നീഷ്യന്/ അനസ്തേഷ്യ ടെക്നീഷ്യന് തസ്തികയില് താല്ക്കാലിക ജീവനക്കാരായി ജോലി ചെയ്യുന്നുണ്ടെന്ന വിവരം ലഭ്യമാക്കുമോ;
( സി )
പ്രസ്തുത തസ്തികയില് പി. എസ്. സി. യ്ക്ക് റിപ്പോര്ട്ട് ചെയ്യുന്നതിനുള്ള എത്ര ഒഴിവുകള് നിലവിലുണ്ടെന്ന വിവരം ലഭ്യമാക്കുമോ;
( ഡി )
പ്രസ്തുത ഒഴിവുകള് പി. എസ്. സി. യ്ക്ക് റിപ്പോര്ട്ട് ചെയ്യുന്നതിനുള്ള അടിയന്തര നടപടി സ്വീകരിക്കുമോ; വ്യക്തമാക്കാമോ;
( ഇ )
പ്രസ്തുത ഒഴിവുകള് പി. എസ്. സി. യ്ക്ക് സമയബന്ധിതമായി റിപ്പോര്ട്ട് ചെയ്യുന്നതില് വീഴ്ച സംഭവിച്ചിട്ടുണ്ടോയെന്നത് പരിശോധിക്കുമോ; വ്യക്തമാക്കാമോ?
ഹോമിയോ കോളേജ് അനുവദിക്കുന്നത്
2305.
ശ്രീ. എം. വിൻസെന്റ് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
2020 ജൂൺ 22-ലെ ഡബ്ല്യൂ.പി.(സി)1464 ഓഫ് 2019 നമ്പർ കേസിന്മേല് കേരള ഹൈക്കോടതി വിധി പ്രകാരം ചക്കാല നായർ സമുദായത്തിന് ഹോമിയോ മെഡിക്കല് കോളേജ് അനുവദിക്കുന്നത് സംബന്ധിച്ച അപേക്ഷ ആയുഷ് വകുപ്പ് സെക്രട്ടറി പരിശോധിച്ച് തീരുമാനമെടുത്തിട്ടുണ്ടോ; ഉണ്ടെങ്കിൽ വിശദാംശം ലഭ്യമാക്കാമോ; ഇല്ലെങ്കിൽ കോടതി വിധിപ്രകാരം പ്രസ്തുത അപേക്ഷയിന്മേല് നാളിതുവരെ നടപടി സ്വീകരിക്കാതിരുന്നതിന്റെ കാരണം വ്യക്തമാക്കാമോ?
മലപ്പുറം ജില്ലയിലെ ഹോമിയോപ്പതി ഫാര്മസിസ്റ്റ് തസ്തികയിലെ ഒഴിവുകൾ
2306.
ശ്രീ. നജീബ് കാന്തപുരം : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
മലപ്പുറം ജില്ലയില് ആകെ എത്ര ഹോമിയോപ്പതി ഡിസ്പെന്സറികളാണുള്ളതെന്ന് വിശദമാക്കാമോ;
( ബി )
മലപ്പുറം ജില്ലയിൽ ഹോമിയോപ്പതി ഫാര്മസിസ്റ്റ് തസ്തികയിൽ എത്ര ഒഴിവുകള് നിലവിലുണ്ടെന്ന് വിശദമാക്കാമോ;
( സി )
പ്രസ്തുത ഒഴിവുകള് നികത്തുന്നതിന് നടപടി സ്വീകരിക്കാമോ?
കാട്ടാക്കട മണ്ഡലത്തിലെ വിളവൂര്ക്കല് ഹോമിയോ ആശുപത്രി
2307.
ശ്രീ. ഐ. ബി. സതീഷ് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
കാട്ടാക്കട മണ്ഡലത്തിലെ വിളവൂര്ക്കല് ഹോമിയോ ആശുപത്രിയെ താലൂക്കാസ്ഥാന ആശുപത്രിയായി ഉയര്ത്തണമെന്ന നിര്ദേശം പരിഗണനയിലുണ്ടോ; ഇല്ലെങ്കില് ഇതിനായുള്ള നടപടി സ്വീകരിക്കുമോ?
ഹോമിയോ ഫാർമസിസ്റ്റ് തസ്തിക
2308.
ശ്രീ. കെ.പി.മോഹനന് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
ഹോമിയോപ്പതി വകുപ്പിലെ ഡിസ്പെൻസറികൾ, ആശുപത്രികൾ ഉൾപ്പെടെയുള്ള മുഴുവൻ സ്ഥാപനങ്ങളിലും നിശ്ചിത യോഗ്യതയുള്ള ഫാർമസിസ്റ്റുകൾ നിലവിലുണ്ടോ; ഇല്ലെങ്കിൽ പ്രസ്തുത സ്ഥലങ്ങളിൽ ഫാർമസിസ്റ്റുകളെ നിയമിക്കുന്നതിന് നടപടികൾ സ്വീകരിക്കുമോ; വ്യക്തമാക്കാമോ;
( ബി )
ഹോമിയോ ഫാർമസിസ്റ്റുകൾ ഇല്ലാത്ത സ്ഥാപനങ്ങളിൽ തസ്തികകൾ സൃഷ്ടിക്കുന്നതിനുള്ള നടപടികൾ സ്വീകരിക്കുമോ; വിശദമാക്കാമോ?
ആയുര്വേദ സർവകലാശാല
2309.
പ്രൊഫ. ആബിദ് ഹുസൈൻ തങ്ങൾ : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
കോട്ടക്കല് കേന്ദ്രീകരിച്ച് അന്താരാഷ്ട്ര നിലവാരത്തിലുള്ള ആയുര്വേദ സർവകലാശാല സ്ഥാപിക്കുന്നതുമായി ബന്ധപ്പെട്ട് സമര്പ്പിച്ച പ്രൊപ്പോസലിന്മേല് സ്വീകരിച്ച നടപടികള് വിശദമാക്കാമോ;
( ബി )
പ്രസ്തുത വിഷയത്തിന്മേല് കേരള ആയുര്വേദ പഠന ഗവേഷണ സൊസൈറ്റി സമര്പ്പിച്ച റിപ്പോര്ട്ടിന്മേല് സ്വീകരിച്ച നടപടികളുടെ വിശദാംശം ലഭ്യമാക്കാമോ;
( സി )
പ്രസ്തുത ആയുര്വേദ സർവകലാശാല സ്ഥാപിക്കുന്നതിന് ആവശ്യമായ നടപടി സ്വീകരിക്കാമോ; വിശദമാക്കാമോ?
ചെറുവട്ടൂര് ആയുര്വേദ ആശുപത്രി
2310.
ശ്രീ. ആന്റണി ജോൺ : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
കോതമംഗലം മണ്ഡലത്തിലെ ചെറുവട്ടൂര് ആയുര്വേദ ആശുപത്രി അപ്ഗ്രേഡ് ചെയ്യുന്നതുമായി ബന്ധപ്പെട്ട് ഇതുവരെ സ്വീകരിച്ച നടപടി വിശദമാക്കാമോ;
( ബി )
ഇതുമായി ബന്ധപ്പെട്ട തുടര് നടപടികള് വേഗത്തിലാക്കുന്നതിനാവശ്യമായ നടപടി സ്വീകരിക്കാമോ; വ്യക്തമാക്കാമോ?
മാവിളകടവില് പ്രവര്ത്തിക്കുന്ന ഗവ. ആയുര്വേദ ആശുപത്രി
2311.
ശ്രീ. കെ. ആൻസലൻ : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
നെയ്യാറ്റിന്കര കുളത്തൂര് ഗ്രാമപഞ്ചായത്തിലെ മാവിളക്കടവില് പ്രവര്ത്തിക്കുന്ന ഗവ.ആയുര്വേദ ആശുപത്രിയില് രോഗികളെ കിടത്തി ചികിത്സിക്കുന്നതിനുള്ള നടപടി സ്വീകരിച്ചിട്ടുണ്ടോയെന്ന് വിശദമാക്കാമോ;
( ബി )
രോഗികളെ കിടത്തി ചികിത്സ നടത്തുന്നതിന് ഏതൊക്കെ നടപടിക്രമങ്ങള് ആണ് പൂര്ത്തീകരിക്കേണ്ടതെന്ന് വിശദമാക്കാമോ?
ഗുരുവായൂര് ആയുര്വേദാശുപത്രി കെട്ടിട നിര്മ്മാണം
2312.
ശ്രീ. എൻ. കെ. അക്ബര് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
2023-ല് ഫണ്ട് അനുവദിച്ച ഗുരുവായൂര് ആയുര്വേദാശുപത്രി കെട്ടിട നിര്മ്മാണം വൈകുന്നത് ശ്രദ്ധയില്പ്പെട്ടിട്ടുണ്ടോ; അടിയന്തരമായി കെട്ടിട നിര്മ്മാണം ആരംഭിക്കുന്നതിന് നടപടികള് സ്വീകരിക്കുമോയെന്ന് വിശദമാക്കാമോ;
( ബി )
ഗുരുവായൂര് ആയുര്വേദാശുപത്രിക്ക് 2023-ല് ആരോഗ്യവകുപ്പിന്റെ പ്ലാന് ഫണ്ടില് നിന്നും അനുവദിച്ച 2.11 കോടി രൂപ ആശുപത്രി കെട്ടിട നിര്മ്മാണത്തിന് അപര്യാപ്തമാണെന്നത് ശ്രദ്ധയില്പ്പെട്ടിട്ടുണ്ടോ; എങ്കിൽ കൂടുതല് തുക അനുവദിക്കുന്നതിന് നടപടികള് സ്വീകരിച്ചിട്ടുണ്ടോയെന്ന് വ്യക്തമാക്കാമോ?
ഫാർമസിസ്റ്റിന്റെ റെഗുലർ തസ്തിക
2313.
ഡോ. മാത്യു കുഴല്നാടൻ : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
കേരള സർക്കാർ ആയുഷ് ഹോമിയോപ്പതി വകുപ്പിന് കീഴിൽ 709 ഹോമിയോ ഡിസ്പെൻസറികളിലും 34 ആശുപത്രികളിലും 407 എൻ. എച്ച്. എം. ഡിസ്പെൻസറികളിലും 29 എസ്. സി. ഡിസ്പെൻസറികളിലും 3 ഫ്ലോട്ടിംഗ് ഡിസ്പെൻസറികളിലും 4 മൊബൈൽ ഡിസ്പെൻസറികളിലും ഫാർമസിസ്റ്റിന്റെ റെഗുലർ തസ്തിക ഉണ്ടോയെന്ന് അറിയിക്കാമോ; വിശദവിവരങ്ങൾ നൽകാമോ;
( ബി )
മേൽപ്പറഞ്ഞ ആരോഗ്യ സ്ഥാപനങ്ങളിൽ നിലവിൽ റെഗുലർ ഫാർമസിസ്റ്റ് തസ്തിക ഇല്ലാത്തവയിൽ തസ്തിക സൃഷ്ടിക്കുന്നതിന് നടപടികൾ സ്വീകരിക്കാമോ; വിശദമാക്കാമോ?
ആയുര്വേദ ഔഷധസസ്യങ്ങള് സംരക്ഷിക്കുന്നതിനുള്ള നടപടികള്
2314.
ശ്രീ എം രാജഗോപാലൻ
ശ്രീ. പി. മമ്മിക്കുട്ടി
ശ്രീ. മുരളി പെരുനെല്ലി
ശ്രീ എം മുകേഷ് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
സംസ്ഥാനത്ത് അന്യം നിന്നുപോകുന്ന ആയുര്വേദ ഔഷധ സസ്യങ്ങള് സംരക്ഷിക്കുന്നതിനും ആയുര്വേദ സസ്യങ്ങളുടെ ദൗര്ലഭ്യം പരിഹരിക്കുന്നതിനും എന്തെല്ലാം പദ്ധതികളാണ് ഈ സർക്കാർ ആവിഷ്കരിച്ച് നടപ്പിലാക്കുന്നതെന്ന് വിശദമാക്കാമോ;
( ബി )
മെഡിസിനല് പ്ലാന്റ് ബോര്ഡിന്റെ സഹായത്തോടെ സംസ്ഥാനത്ത് എത്ര ഔഷധസസ്യ നഴ്സറികളും ഗവേഷണ സ്ഥാപനങ്ങളും പ്രവര്ത്തിക്കുന്നുണ്ടെന്ന് അറിയിക്കാമോ;
( സി )
ഔഷധ സസ്യങ്ങളുടെ ശേഖരണം, കൃഷി, വിതരണം എന്നിവ വിപുലപ്പെടുത്തുന്നതിനായി എന്തെല്ലാം പദ്ധതികളാണ് നടപ്പിലാക്കി വരുന്നതെന്ന് വിശദമാക്കുമോ;
( ഡി )
ഔഷധ സസ്യങ്ങളുടെ വിത്തുകള് ശേഖരിക്കുന്നതിനും കര്ഷകര്ക്ക് സമയബന്ധിതമായി വിതരണം ചെയ്യുന്നതിനും വിത്തുസംഭരണ വിതരണ കേന്ദ്രങ്ങള് നിലവിലുണ്ടോ; എങ്കില് വ്യക്തമാക്കാമോ;
( ഇ )
ആയുര്വേദ മേഖലയിലെ സ്ഥാപനങ്ങള്, അഭ്യുദയകാംഷികള്, സന്നദ്ധസംഘടനകള്, സഹകരണ സ്ഥാപനങ്ങള് തുടങ്ങിയവയുമായി ചേര്ന്ന് ആയുര്വേദ ഔഷധ കൃഷി വ്യാപകമാക്കുന്നതിന് നടപടി സ്വീകരിക്കുമോ?
മൊഗ്രാൽ ഗവ. യുനാനി ആശുപത്രി
2315.
ശ്രീ. എ. കെ. എം. അഷ്റഫ് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
കാസർകോട് ജില്ലയിലെ മൊഗ്രാൽ ഗവ. യുനാനി ആശുപത്രിയിൽ നിന്നും നിലവിൽ ലഭ്യമാകുന്ന സേവനങ്ങൾ എന്തൊക്കെയാണെന്ന് വിശദമാക്കാമോ;
( ബി )
പ്രസ്തുത ആശുപത്രിയിൽ ശരാശരി പ്രതിദിന ഔട്ട് പേഷ്യന്റ് എത്രയാണെന്ന് വ്യക്തമാക്കാമോ;
( സി )
പ്രസ്തുത ആശുപത്രിയെ കിടത്തി ചികിത്സ നൽകുന്ന ആശുപത്രിയായി ഉയർത്തുന്നതിന് നടപടി സ്വീകരിക്കുമോ?
കാരുണ്യ ഫാർമസിയിൽ നിന്നുളള മരുന്ന് വിതരണം
2316.
ശ്രീ. പി. ഉബൈദുള്ള : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
തദ്ദേശസ്വയംഭരണ സ്ഥാപനങ്ങളുടെ പദ്ധതിയിൽ ഉൾപ്പെടുത്തി മുൻകൂർ പണമടച്ചിട്ടും കാരുണ്യഫാർമസിയിൽ നിന്ന് മരുന്നുകൾ കൃത്യമായി വിതരണം ചെയ്യുന്നില്ലെന്ന വ്യാപക പരാതികൾ ശ്രദ്ധയിൽപ്പെട്ടിട്ടുണ്ടോ;
( ബി )
സർക്കാർ ഫണ്ടിൽ നിർധന രോഗികൾക്ക് സൗജന്യമായി നൽകേണ്ട മരുന്നുകളുടെ വിതരണം തടസ്സപ്പെട്ടിട്ടുള്ള സാഹചര്യം പരിശോധിക്കുമോ;
( സി )
ജീവിതശൈലി രോഗങ്ങൾക്ക് സർക്കാർ ആശുപത്രികളെ ആശ്രയിക്കുന്ന സാധാരണക്കാരുടെ പ്രയാസങ്ങൾ കണക്കിലെടുത്ത് കാരുണ്യഫാർമസികൾ വഴി എത്രയും വേഗം മരുന്ന് വിതരണം നടത്തുവാൻ നടപടി സ്വീകരിക്കുമോയെന്ന് വ്യക്തമാക്കുമോ?
നിലമ്പൂര് നിയോജകമണ്ഡലത്തിലെ അങ്കണവാടികൾക്ക് പുതിയ കെട്ടിടങ്ങൾ
2317.
ശ്രീ. ആര്യാടൻ ഷൗക്കത്ത് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
നിലമ്പൂര് നിയോജകമണ്ഡലത്തില് ഉപയോഗയോഗ്യമല്ലാത്ത എത്ര അങ്കണവാടികള് ഉണ്ട്; ഇവ പുനര്നിര്മ്മിക്കാനായി നടപടികള് സ്വീകരിച്ചിട്ടുണ്ടോ; ഉണ്ടെങ്കില് ആയത് വിശദമാക്കാമോ;
( ബി )
നിലമ്പൂർ നഗരസഭയിൽ വൃന്ദാവനിലെ 63-ആം നമ്പർ അങ്കണവാടിക്ക് പുതിയ കെട്ടിടം നിർമ്മിക്കുന്നതിനായി നൽകിയിട്ടുള്ള അപേക്ഷയിന്മേൽ എന്തെങ്കിലും നടപടികൾ സ്വീകരിച്ചിട്ടുണ്ടോ; വ്യക്തമാക്കാമോ;
( സി )
അങ്കണവാടികൾക്ക് സ്വന്തമായി കെട്ടിടം നിർമ്മിക്കുന്നതിന് സർക്കാരിൽ നിന്നും ധനസഹായം ലഭ്യമാകുന്ന പദ്ധതികൾ നിലവിലുണ്ടോ; ഉണ്ടെങ്കില് ആയത് വിശദമാക്കാമോ?
മട്ടന്നൂര് മണ്ഡലത്തിലെ അങ്കണവാടികള്
2318.
ശ്രീമതി കെ. കെ. ശൈലജ ടീച്ചർ : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
മട്ടന്നൂര് മണ്ഡലത്തില് നിലവില് എത്ര അങ്കണവാടികള് ഉണ്ടെന്നും പ്രസ്തുത അങ്കണവാടികളില് സ്വന്തമായി കെട്ടിടമില്ലാത്തവ എത്രയെണ്ണമുണ്ടെന്നുമുള്ള വിശദാംശങ്ങള് ലഭ്യമാക്കാമോ?
മാവേലിക്കര മണ്ഡലത്തിലെ അങ്കണവാടികള്
2319.
ശ്രീ എം എസ് അരുൺ കുമാര് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
മാവേലിക്കര മണ്ഡലത്തിലെ അങ്കണവാടികള് 'സ്മാര്ട്ട് അങ്കണവാടികള്' ആയി ഉയര്ത്തുന്നതിനായി സ്വീകരിച്ച നടപടികള് വിശദമാക്കുമോ;
( ബി )
മാവേലിക്കര മണ്ഡലത്തിലെ അങ്കണവാടികളില് സ്വന്തമായി സ്ഥലം ഉള്ളവ, കെട്ടിടങ്ങള് ഉള്ളവ, സ്ഥലം ഇല്ലാത്തവ, കെട്ടിടങ്ങള് ഇല്ലാത്തവ എന്നിങ്ങനെ ഏതെല്ലാമെന്ന് അറിയിക്കാമോ?
ഇരവിപുരം മണ്ഡലത്തിലെ സ്മാർട്ട് അങ്കണവാടികൾ
2320.
ശ്രീ എം നൗഷാദ് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
2016 മുതല് നാളിതുവരെ ഇരവിപുരം മണ്ഡലത്തിലെ ഏതൊക്കെ അങ്കണവാടികളെ സ്മാർട്ട് അങ്കണവാടികളാക്കുന്നതിന് ഫണ്ട് അനുവദിച്ചിട്ടുണ്ടെന്ന് വർഷം, അനുവദിച്ച തുക എന്നിവ തിരിച്ച് വിശദമാക്കാമോ;
( ബി )
ഇനി ഏതെങ്കിലും അങ്കണവാടികളെ സ്മാർട്ട് അങ്കണവാടികളാക്കുന്നതിനുള്ള പ്രൊപ്പോസല് നിലവിലുണ്ടോ; വിശദമാക്കാമോ?
പൂഞ്ഞാർ മണ്ഡലത്തിലെ സമ്പൂർണ അംഗൻവാടി കെട്ടിടനിർമ്മാണ പദ്ധതി
2321.
ശ്രീ. സെബാസ്റ്റ്യൻ കുളത്തുങ്കല് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
2024-25 സാമ്പത്തിക വര്ഷത്തിലെ ബജറ്റില് 20% ടോക്കണ് പ്രൊവിഷനില് 10 കോടി രൂപ ഉള്പ്പെടുത്തിയിട്ടുള്ള പൂഞ്ഞാർ നിയോജക മണ്ഡലത്തിൽ സ്വന്തമായി കെട്ടിടം ഇല്ലാത്ത മുഴുവൻ അംഗൻവാടികൾക്കും കെട്ടിട നിർമ്മാണത്തിന് സമ്പൂർണ അംഗൻവാടി കെട്ടിടനിർമ്മാണ പദ്ധതി (2024-25 -ലേക്കുള്ള വിശദമായ ബജറ്റ് എസ്റ്റിമേറ്റുകളുടെ അനുബന്ധം II വാല്യം II ക്രമനമ്പർ 973) എന്ന പ്രവൃത്തി നടപ്പിലാക്കുന്നതിനായി സ്വീകരിച്ചുവരുന്ന നടപടികളുടെ വിശദാംശം ലഭ്യമാക്കുമോ?
അങ്കണവാടി കം ക്രഷ്
2322.
ശ്രീ. പി. സി. വിഷ്ണുനാഥ് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
നാഷണൽ ക്രഷ് പദ്ധതി റദ്ദാക്കി അംഗണവാടികളുമായി ചേർന്ന് അങ്കണവാടി കം ക്രഷ് പദ്ധതിയായി നടപ്പിലാക്കിയിട്ടുണ്ടോ; വിശദാംശങ്ങൾ വ്യക്തമാക്കുമോ;
( ബി )
നാഷണൽ ക്രഷ് പദ്ധതിയിൽ പ്രവർത്തിച്ചിരുന്ന മുഴുവൻ ക്രഷുകളെയും അങ്കണവാടി കം ക്രഷ് പദ്ധതിയിൽ ഉൾപ്പെടുത്തിയിട്ടുണ്ടോ; ഇല്ലെങ്കിൽ ആയതിന് നടപടി സ്വീകരിക്കുമോ; മേൽപ്പറഞ്ഞ പദ്ധതിയിൽ പ്രവർത്തിച്ചിരുന്ന മുഴുവൻ ജീവനക്കാർക്കും അംഗണവാടി കം ക്രഷ് പദ്ധതിയിൽ ജോലി നൽകിയിട്ടുണ്ടോ ; ഇല്ലെങ്കിൽ വർഷങ്ങളോളം പ്രവർത്തി പരിചയം ഉള്ള ഈ ജീവനക്കാരെ മുഴുവൻ പേരെയും പ്രസ്തുത പദ്ധതിയുടെ ഭാഗമാക്കുന്നതിന് നടപടി സ്വീകരിക്കുമോ; വ്യക്തമാക്കുമോ;
( സി )
നാഷണൽ ക്രഷ് പദ്ധതിയിൽ നിന്നും 62 വയസ്സ് തികഞ്ഞതിനെ തുടർന്ന് പിരിച്ചുവിടപ്പെട്ട ജീവനക്കാർക്ക് എന്തെങ്കിലും തരത്തിലുള്ള വിരമിക്കൽ ആനുകൂല്യങ്ങൾ നൽകിയിട്ടുണ്ടോ; ഇല്ലെങ്കില് ജീവനക്കാർക്ക് വിരമിക്കൽ ആനുകൂല്യവും പെൻഷനും അനുവദിക്കുന്നതിന് സംസ്ഥാന സർക്കാർ മുൻകൈയെടുക്കുമോ; വിശദാംശം വ്യക്തമാക്കുമോ;
( ഡി )
അംഗനവാടി കം ക്രഷ് പദ്ധതിയിലെ ജീവനക്കാരുടെ ഹോണറേറിയം അംഗനവാടി ജീവനക്കാരുടെതിന് തുല്യമായി വർധിപ്പിക്കുന്നതിനും ഉത്സവത്ത ഉൾപ്പെടെയുള്ള ആനുകൂല്യങ്ങൾ അനുവദിക്കുന്നതിനും അംഗനവാടി ജീവനക്കാർക്കും അംഗനവാടി കം ക്രഷ് ജീവനക്കാർക്കും ആരോഗ്യ ഇൻഷുറൻസ് പദ്ധതി നടപ്പാക്കുന്നതിനും നടപടി സ്വീകരിക്കുമോ; വ്യക്തമാക്കുമോ ;
( ഇ )
അംഗനവാടി കം ക്രഷ് പദ്ധതിയിലെ കുട്ടികൾക്ക് പോഷകാഹാരം നൽകുന്നതിനായി എന്ത് സ്കീം ആണ് നടപ്പിലാക്കിയിട്ടുള്ളത്; എന്തൊക്കെ പോഷകാഹാരങ്ങൾ ആണ് നൽകുന്നത്; ഇതിനായി ഓരോ കുട്ടിക്കും പ്രതിദിനം എത്ര തുകയാണ് വകയിരുത്തിയിട്ടുള്ളത്; വിശദാംശങ്ങൾ വ്യക്തമാക്കുമോ?
അങ്കണവാടി ജീവനക്കാരുടെ വിവിധ ആനുകൂല്യങ്ങൾ
2323.
ശ്രീ. പി. ഉബൈദുള്ള : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
അങ്കണവാടി ജീവനക്കാരെ തൊഴിലാളികളായി അംഗീകരിക്കുവാനും നിലവിലുള്ള ഓണറേറിയം വർദ്ധിപ്പിക്കുവാനും നടപടികൾ സ്വീകരിക്കുമോ; വിശദമാക്കാമോ;
( ബി )
ക്ഷേമനിധി, യാത്രാ ആനുകൂല്യങ്ങൾ, വിവാഹം, അസുഖങ്ങൾ, വീടു നിർമ്മാണം ഉൾപ്പെടെ വിവിധ ആവശ്യങ്ങൾക്കുള്ള സഹായം എന്നിവ സമയബന്ധിതമായി നൽകുവാൻ നടപടി സ്വീകരിക്കുമോ; വിശദമാക്കാമോ?
വിരമിച്ച അംഗനവാടി ജീവനക്കാര്ക്കുള്ള ക്ഷേമനിധി ആനുകൂല്യങ്ങള്
2324.
ശ്രീ. തിരുവഞ്ചൂർ രാധാകൃഷ്ണൻ : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
വിരമിച്ച അംഗനവാടി ജീവനക്കാര്ക്കുള്ള ക്ഷേമനിധി ആനുകൂല്യങ്ങള് മുടങ്ങിയിട്ട് എത്രമാസമായെന്നും എത്ര തുക കുടിശികയുണ്ടെന്നും വ്യക്തമാക്കാമോ;
( ബി )
പ്രസ്തുത ആനുകൂല്യങ്ങള് ഉടന് കൊടുത്തു തീര്ക്കാന് കഴിയുമോയെന്ന് വ്യക്തമാക്കാമോ?
അങ്കണവാടികള് നവീകരിക്കുന്നതിന് നടപടി
2325.
ശ്രീ. ജോബ് മൈക്കിള് : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
ഈ സര്ക്കാര് അധികാരത്തില് വന്ന ശേഷം ചങ്ങനാശ്ശേരി മണ്ഡലത്തിലെ ഏതെല്ലാം അങ്കണവാടികളാണ് നവീകരിച്ചിട്ടുള്ളതെന്ന് വ്യക്തമാക്കുമോ; ഉത്തരവുകളുടെ പകര്പ്പ് ലഭ്യമാക്കുമോ;
( ബി )
ചങ്ങനാശ്ശേരി മണ്ഡലത്തില് സ്വന്തമായി സ്ഥലവും കെട്ടിടവും ഇല്ലാത്ത എത്ര അങ്കണവാടികളുണ്ടെന്നും അവ ഏതെല്ലാമെന്നും വ്യക്തമാക്കുമോ?
പടവുകള് പദ്ധതിയുടെ കുടിശ്ശിക തുക നൽകാൻ നടപടി
2326.
ശ്രീ. തിരുവഞ്ചൂർ രാധാകൃഷ്ണൻ : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
വിധവകളുടെ മക്കള്ക്ക് ഉന്നത വിദ്യാഭ്യാസത്തിന് ധനസഹായം നല്കുന്ന പടവുകള് പദ്ധതിയ്ക്ക് 2022-23 മുതലുള്ള ധനസഹായം അനുവദിച്ചോ എന്ന് വ്യക്തമാക്കാമോ;
( ബി )
പ്രസ്തുത പദ്ധതിയുടെ കുടിശ്ശിക തുക മുഴുവന് എന്നത്തേയ്ക്ക് കൊടുത്തുതീര്ക്കാന് സാധിക്കുമെന്ന് വ്യക്തമാക്കാമോ?
ഭക്ഷ്യ വസ്തുക്കളിൽ മായം ചേർക്കുന്നത് തടയാൻ നടപടി
2327.
ശ്രീ. കെ. പി. എ. മജീദ്
ശ്രീ. പി. കെ. ബഷീർ
ശ്രീ. മഞ്ഞളാംകുഴി അലി : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
ഭക്ഷ്യ വസ്തുക്കളിൽ വ്യാപകമായ തോതിൽ നിരോധിത നിറങ്ങൾ, കീടനാശിനികൾ, പ്രിസർവേറ്റീവുകൾ, മാലിന്യങ്ങൾ എന്നിവ ചേർക്കുന്നതായി കണ്ടെത്തിയിട്ടുണ്ടോ; വ്യക്തമാക്കാമോ;
( ബി )
ഭക്ഷ്യസുരക്ഷാ വകുപ്പ് ഇതു സംബന്ധിച്ച് എന്തെങ്കിലും പഠനം നടത്തിയിട്ടുണ്ടോ; എങ്കിൽ കണ്ടെത്തലുകൾ വിശദമാക്കുമോ;
( സി )
ഭക്ഷ്യ വസ്തുക്കളിൽ ആരോഗ്യത്തിന് ഹാനികരമായ മായം ചേർക്കുന്നത് തടയാൻ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?
ഹോട്ടലുകളുടെ ശുചിത്വവും ഗുണനിലവാരവും ഉറപ്പാക്കുന്നതിന് നടപടി
2328.
ശ്രീ. ഇ. ടി. ടൈസൺ മാസ്റ്റർ : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
ഹോട്ടലുകളുടെ ശുചിത്വവും ഗുണനിലവാരവും ഉറപ്പാക്കുന്നതിന് എന്തെല്ലാം നടപടികളാണ് വകുപ്പ് കൈക്കൊണ്ടിട്ടുള്ളത്; വിശദമാക്കാമോ;
( ബി )
കൈപ്പമംഗലം നിയോജക മണ്ഡലത്തിൽ ഹോട്ടലുകളുടെ പരിശോധന ഊർജിതമാക്കുന്നതിനായി നിലവിൽ എന്തെല്ലാം പ്രവർത്തനങ്ങളാണ് വകുപ്പ് നടത്തിവരുന്നതെന്ന് വിശദമാക്കാമോ?