സംസ്ഥാനത്ത് സംരംഭകത്വ പ്രോത്സാഹനത്തിനായി നടപ്പിലാക്കിവരുന്ന പ്രവര്‍ത്തനങ്ങള്‍ എന്തൊക്കെയാണെന്ന് വിശദമാക്കാമോ;

എം. എസ്. എം. ഇ. ക്ലിനിക്കുകളുടെ പ്രവര്‍ത്തനം വിലയിരുത്തിയിട്ടുണ്ടോ; വിശദാംശം നല്‍കുമോ;

ഇക്കാലയളവില്‍ സംരംഭക സഭകള്‍ സംഘടിപ്പിക്കുന്നതിന് കഴിഞ്ഞിരുന്നോ; വ്യക്തമാക്കുമോ;

സംരംഭക മേഖലയില്‍ സര്‍ക്കാര്‍ നടപ്പാക്കുന്ന പ്രവര്‍ത്തനങ്ങളുടെ ഫലമായി സംസ്ഥാനത്തുണ്ടായിട്ടുള്ള പുരോഗതി വിലയിരുത്തിയിട്ടുണ്ടോ; വിശദാംശം നല്‍കുമോ?

അന്താരാഷ്ട്ര-ദേശീയ തലങ്ങളില്‍ മാരിടൈം മേഖലയും അനുബന്ധ മേഖലകളും വളര്‍ച്ചയുടെ പാതയിലാണെന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

ഇതിനനുസൃതമായി സംസ്ഥാനത്തെ ലോജിസ്റ്റിക്‌സ്‌, മാരിടൈം വ്യവസായ മേഖലകളിൽ തൊഴിലവസരങ്ങള്‍ സൃഷ്ടിക്കുവാന്‍ നടപടികള്‍ സ്വീകരിച്ചിട്ടുണ്ടോ; വിശദമാക്കാമോ;

കേരള മാരിടൈം ബോര്‍ഡിന്റെ കിഴിലുള്ള തുറമുഖങ്ങളിൽ നിക്ഷേപം ആകര്‍ഷിച്ച്‌ കൂടുതൽ വികസിപ്പിക്കുന്നതിനുള്ള പദ്ധതി തയ്യാറാക്കിയിട്ടുണ്ടോ; വിശദമാക്കാമോ;

സംസ്ഥാനത്തും മാരിടൈം മേഖല വികസിക്കുന്ന സാഹചര്യത്തിൽ മാരിടൈം കേസുകൾ കൈകാര്യം ചെയ്യാൻ ഒരു ട്രൈബ്യൂണൽ രൂപീകരിക്കാനുള്ള സാധ്യത പരിശോധിക്കുമോ; വ്യക്തമാക്കാമോ?

ഉത്തരേന്ത്യന്‍ സംസ്ഥാനങ്ങള്‍ക്കുളള കേന്ദ്രവിഹിതം വര്‍ദ്ധിപ്പിക്കുന്നതിന് ആനുപാതികമായി കേരളത്തിന് അര്‍ഹതപ്പെട്ട വിഹിതം കേന്ദ്രസര്‍ക്കാര്‍ വര്‍ദ്ധിപ്പിക്കുന്നുണ്ടോ; കേന്ദ്ര വിഹിതം കാലവിളംബം കൂടാതെ സംസ്ഥാനത്തിന് ലഭ്യമാകുന്നുണ്ടോ; വിശദമാക്കുമോ;

സംസ്ഥാനത്തിന് അര്‍ഹതപ്പെട്ട കേന്ദ്രവിഹിത തുകയില്‍ നിന്നും വെട്ടിക്കുറവ് വരുത്തിയിട്ടുണ്ടോ; എങ്കിൽ വിവിധ ഇനങ്ങളില്‍ ഉണ്ടായിട്ടുളള വരുമാന നഷ്ടം എത്രയെന്ന് വിശദമാക്കുമോ;

കേന്ദ്രസര്‍ക്കാരിന്റെ വിവിധ സൂചികകള്‍ പ്രകാരം സംസ്ഥാനം പുരോഗതി നേടിയിട്ടും കേന്ദ്രസര്‍ക്കാരില്‍ നിന്നും കൂടുതല്‍ വിവേചനം നേരിടുന്ന സാഹചര്യം സംജാതമായിട്ടുണ്ടോ; വിശദീകരിക്കുമോ;

നിലവിലെ സാമ്പത്തിക സ്ഥിതിവിശേഷം തരണം ചെയ്യുന്നതിന് സര്‍ക്കാര്‍ നടത്തുന്ന ധനദൃഡീകരണ പ്രവര്‍ത്തനങ്ങള്‍ക്ക് കഴിയുന്നുണ്ടോ; ഈ പ്രവര്‍ത്തനങ്ങളെ കേന്ദ്രസര്‍ക്കാരിന് കീഴിലുളള സ്ഥാപനങ്ങള്‍ പ്രകീര്‍ത്തിച്ചിട്ടുണ്ടോ; വിശദമാക്കുമോ?

കഴിഞ്ഞ പന്ത്രണ്ട് മാസങ്ങളായി സംസ്ഥാനങ്ങൾക്കിടയിലെ വിലക്കയറ്റത്തിന്റെ തോതിൽ കേരളം ഒന്നാം സ്ഥാനത്താണെന്നത് ശ്രദ്ധയിൽപ്പെട്ടിട്ടുണ്ടോ; ഇതിനെ ഗൗരവത്തോടെ കാണുന്നുണ്ടോ; വ്യക്തമാക്കാമോ;

സംസ്ഥാനത്ത് വിലക്കയറ്റതോത് ഇത്രയും മാസമായി ഉയർന്ന് നിൽക്കാനുള്ള കാരണം പഠന വിധേയമാക്കിയിട്ടുണ്ടോ; എങ്കിൽ പഠനത്തിന്റെ വിശദാംശം നൽകാമോ; വിലക്കയറ്റം പരിഹരിക്കാൻ സ്വീകരിച്ച നടപടികൾ വിശദമാക്കാമോ?

രാജ്യത്തെ മുൻനിര വ്യവസായനിക്ഷേപ കേന്ദ്രമാക്കി കേരളത്തെ മാറ്റുക എന്ന ലക്ഷ്യത്തോടെ വ്യവസായ വകുപ്പ് 'വിഷൻ 2031' എന്ന പദ്ധതി ആവിഷ്കരിച്ചിട്ടുണ്ടോ; വിശദമാക്കാമോ;

ഭാവിയിലെ വ്യാവസായിക ആവശ്യങ്ങൾക്ക് അനുസൃതമായി സംസ്ഥാനത്ത് യുവജനങ്ങളെ സജ്ജരാക്കുക എന്ന ലക്ഷ്യത്തോടെ പൊതു-സ്വകാര്യ പങ്കാളിത്ത മാതൃകയിൽ നൈപുണ്യവികസന-സംരംഭക സർവകലാശാല സ്ഥാപിക്കുവാന്‍ 'വിഷൻ 2031' വിഭാവനം ചെയ്യുന്നുണ്ടോ; വിശദമാക്കാമോ;

ഉന്നത സാങ്കേതിക ശേഷിയുള്ള വ്യവസായ കേന്ദ്രങ്ങളുടെ ആഗോള ലക്ഷ്യസ്ഥാനമാക്കി സംസ്ഥാനത്തെ മാറ്റുന്നതിനായി ഗ്ലോബൽ കേപ്പബിലിറ്റി സെന്ററുകൾ സ്ഥാപിക്കാന്‍ 'വിഷൻ 2031' പദ്ധതി ലക്ഷ്യമിടുന്നുണ്ടോ; വിശദമാക്കാമോ;

വ്യവസായമേഖലയുടെ സമഗ്രവികസനം ലക്ഷ്യമാക്കിയുള്ള പരിഷ്കാരങ്ങൾ, വ്യവസായ ഇടനാഴികൾ, ഇന്നവേഷൻ ഹബ്ബുകൾ തുടങ്ങിയവ 'വിഷൻ 2031' ല്‍ ഉള്‍പ്പെടുത്തിയിട്ടുണ്ടോ; വിശദമാക്കാമോ?

നിക്ഷേപതാത്പര്യപത്രങ്ങള്‍ നിക്ഷേപങ്ങളായി പരിവര്‍ത്തനപ്പെടുത്തുന്നതില്‍ ദേശീയ ശരാശരി എത്രയാണ്; ഇതു മറികടക്കാന്‍ സംസ്ഥാന സര്‍ക്കാരിന്റെ ഇടപെടലിലൂടെ കഴിഞ്ഞിട്ടുണ്ടോ; വ്യക്തമാക്കാമോ;

സംസ്ഥാനത്തെ നിക്ഷേപ സൗഹൃദാന്തരീക്ഷം ലോകോത്തരമാക്കുന്നതിന് സര്‍ക്കാര്‍ നടത്തിയ ഇടപെടലുകളിലൂടെ സാധ്യമായിട്ടുണ്ടോ; ഇതിന്റെ ഭാഗമായി നടത്തിയ ഇന്‍വെസ്റ്റ് കേരള ഗ്ലോബല്‍ സമ്മിറ്റിന്റെ തുടര്‍പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; വിശദാംശം ലഭ്യമാക്കാമോ;

നിക്ഷേപതാത്പര്യപത്രങ്ങള്‍ നിക്ഷേപങ്ങളായി പരിവര്‍ത്തനപ്പെടുത്തുന്നതിനായി സ്വീകരിച്ച നടപടികള്‍ വിശദമാക്കുമോ;

സര്‍ക്കാര്‍ സംഘടിപ്പിച്ച ആഗോള നിക്ഷേപ സംഗമം വിജയകരമാക്കുന്നതിനായി നടത്തിയിട്ടുള്ള മുന്നൊരുക്കങ്ങള്‍ എന്തെല്ലാമാണെന്ന് വിശദീകരിക്കുമോ?

വനിതാ സംരംഭകര്‍ക്ക് പ്രോത്സാഹനം നല്‍കുന്നതിന്റെ ഭാഗമായി സംസ്ഥാനത്താദ്യമായി വനിതാ വ്യവസായ പാര്‍ക്കുകള്‍ പ്രാവര്‍ത്തികമാക്കുവാന്‍ ഈ സര്‍ക്കാരിന് കഴിഞ്ഞിട്ടുണ്ടോ; വിശദമാക്കാമോ;

വനിതാ സംരംഭകരെ പ്രോത്സാഹിപ്പിക്കുന്നതിനായി നടപ്പാക്കുന്ന വിവിധ പദ്ധതികള്‍ സംബന്ധിച്ച് വിലയിരുത്തിയിട്ടുണ്ടോ; വിശദാംശം നല്‍കാമോ;

വനിതാ സംരംഭകര്‍ക്ക് അനുയോജ്യമായ രീതിയില്‍ വ്യവസായ പാര്‍ക്കുകളുടെ മാനദണ്ഡങ്ങളില്‍ ഇളവ് അനുവദിക്കുന്നത് പരിഗണനയിലുണ്ടോ; വിശദമാക്കാമോ?

ശബരിമലയുടെ സമഗ്ര വികസനവുമായി ബന്ധപ്പെട്ട് ശബരിമല വികസന അതോറിറ്റി രൂപീകരിക്കുവാന്‍ സർക്കാർ തീരുമാനമെടുത്തിട്ടുണ്ടോ; വ്യക്തമാക്കുമോ;

പ്രസ്തുത അതോറിറ്റിയുടെ ഘടന എപ്രകാരമാണ്; ഇതു സംബന്ധിച്ച നിയമ നിര്‍മ്മാണം പരിഗണനയിലുണ്ടോ; വിശദാംശം നല്‍കാമോ;

ക്ഷേത്ര വികസന പ്രവര്‍ത്തനവുമായി ബന്ധപ്പെട്ട് പ്രവര്‍ത്തിക്കുന്നവരെയും ഈ മേഖലയിൽ തത്പരരായ വിശിഷ്ട വ്യക്തികളെയും പ്രസ്തുത അതോറിറ്റിയുടെ ഭാഗമാക്കുമോ; വിശദമാക്കുമോ;

ശബരിമല വികസനവുമായി ബന്ധപ്പെട്ട് വിശാല കാഴ്ചപ്പാടോടെ പദ്ധതികള്‍ ആവിഷ്കരിക്കുന്നതിനും ആയത് സമയബന്ധിതമായി നടപ്പാക്കുന്നതിനും ലക്ഷ്യമിട്ട് രൂപീകരിക്കുന്ന പ്രസ്തുത അതോറിറ്റിയുടെ പ്രവര്‍ത്തനം കാലതാമസം കൂടാതെ ആരംഭിക്കുവാന്‍ കഴിയുമോ; വ്യക്തമാക്കുമോ?

ഹഡിൽ ഗ്ലോബൽ ഉച്ചകോടിയും അന്താരാഷ്ട്ര എക്സ്പോഷർ പ്രോഗ്രാമും നടത്തിയതിലൂടെ ഉണ്ടായ നേട്ടങ്ങള്‍ വിശദമാക്കാമോ;

ഇൻഫിനിറ്റി കേന്ദ്രങ്ങളുടെ ഉദ്ദേശ്യലക്ഷ്യങ്ങൾ വിശദമാക്കാമോ; ഇത്തരം കേന്ദ്രങ്ങൾ നിലവിൽ എവിടെയെല്ലാമാണ് സ്ഥാപിച്ചിട്ടുള്ളതെന്നും പുതുതായി എവിടെയെല്ലാം ആരംഭിക്കാനാണ് ഉദ്ദേശിക്കുന്നതെന്നും വ്യക്തമാക്കാമോ;

നിലവിലെ സ്റ്റാർട്ടപ്പുകളിൽ സേവന മേഖലയിലും ഉല്പന്നാധിഷ്ഠിത രംഗത്തും പ്രവർത്തിക്കുന്നവയെക്കുറിച്ചുള്ള വിശദാംശം അറിയിക്കാമോ;

സംസ്ഥാനത്ത് പ്രവര്‍ത്തിക്കുന്ന സ്റ്റാര്‍ട്ടപ്പുകളില്‍ നിന്നുള്ള സേവനങ്ങളും ഉല്പന്നങ്ങളും സര്‍ക്കാര്‍ വകുപ്പുകള്‍/സ്ഥാപനങ്ങള്‍ നേരിട്ട് വാങ്ങുന്നതിനായുള്ള ഗവൺമെന്റ് ആസ് എ മാർക്കറ്റ് പ്ലേസ് എന്ന പദ്ധതി വിജയകരമാക്കുവാൻ എന്ത് നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

സംസ്ഥാനത്തെ വിവിധ ദേവസ്വം ബോർഡുകളുടെ കീഴിലുള്ള ക്ഷേത്രങ്ങളുടെ ഭരണത്തിൽ ഗുരുതരമായ വീഴ്ചകളും സാമ്പത്തിക ക്രമക്കേടുകളും മോഷണങ്ങളും നടന്നിട്ടുണ്ടെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

ശബരിമലയിലെ ദ്വാരപാലക ശില്പത്തിലും കട്ടിളപാളിയിലും പൊതിഞ്ഞിരുന്ന സ്വർണ്ണം ദേവസ്വം ബോർഡിന്റെ കൂടി അറിവോടെ അപഹരിച്ചതായ സംഭവം സർക്കാരിന്റെ ശ്രദ്ധയിൽപ്പെട്ടിട്ടുണ്ടോ;

ഇത്തരം സംഭവങ്ങൾ ആവർത്തിക്കാതിരിക്കുന്നതിനായി സ്വീകരിക്കാൻ ഉദ്ദേശിക്കുന്ന നടപടികള്‍ വിശദമാക്കാമോ?

നിർമ്മാണ സാമഗ്രികളുടെ അമിതമായ വിലക്കയറ്റവും കെട്ടിട നിർമ്മാണ പെർമിറ്റ് ഫീസ് വർദ്ധനവും ഭൂമി തരംമാറ്റ നടപടികളിലെ കാലതാമസവും നിർമ്മാണ മേഖലയിൽ പ്രതിസന്ധിക്ക് കാരണമാകുന്നതായി ശ്രദ്ധയിൽപ്പെട്ടിട്ടുണ്ടോ; വിശദാംശം നൽകാമോ;

വിവിധ സർക്കാർ മേഖലകളിലെ കരാറുകാർക്ക് നൽകാനുളള കുടിശ്ശിക ഈ മേഖലയെ തളർത്തിയിട്ടുണ്ടോ; വിശദമാക്കാമോ;

നിർമ്മാണ മേഖലയിലെ പ്രതിസന്ധി പരിഹരിക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കാമോ?

പരിസ്ഥിതി സംരക്ഷണം ഉറപ്പുവരുത്തിക്കൊണ്ടുള്ള ശബരിമല വികസനവും ഭക്തര്‍ക്ക് സംതൃപ്തമായ തീര്‍ത്ഥാടനാനുഭവം പ്രദാനം ചെയ്യുന്നതിനും ലക്ഷ്യമിടുന്ന ശബരിമല മാസ്റ്റര്‍ പ്ലാന്‍ സംബന്ധിച്ച നടപടികളിലെ പുരോഗതി വിലയിരുത്തിയിട്ടുണ്ടോ; വിശദാംശം നല്‍കാമോ;

ഇതുമായി ബന്ധപ്പെട്ട പ്രവര്‍ത്തനങ്ങളുടെ മേല്‍നോട്ടം വഹിക്കുന്നതിന് പ്രത്യേക കമ്മിറ്റിയെ ചുമതലപ്പെടുത്തിയിട്ടുണ്ടോ; വ്യക്തമാക്കുമോ;

മുന്‍പുണ്ടായിരുന്നതില്‍ നിന്നും വ്യത്യസ്തമായി പദ്ധതികളുടെ ആസൂത്രണത്തിലും പൂര്‍ത്തീകരണത്തിലും ഗതിവേഗം ഉണ്ടായിട്ടുണ്ടോ; വ്യക്തമാക്കാമോ;

ശബരിമല വികസനവുമായി ബന്ധപ്പെട്ട പ്രവര്‍ത്തനങ്ങള്‍ക്കായി വനഭൂമിയുടെ ഉപയോഗത്തിന് കേന്ദ്രസര്‍ക്കാരില്‍ നിന്നും സമയബന്ധിതമായി അനുമതി ലഭ്യമാകാത്ത സാഹചര്യം നിലവിലുണ്ടോ; എങ്കിൽ അത് തടസ്സങ്ങൾ സൃഷ്ടിക്കുന്നുണ്ടോ; വ്യക്തമാക്കാമോ?

സംസ്ഥാനത്ത് വ്യവസായ വികസനത്തിന് ആവശ്യമായ വൈദ്യുതി, വെള്ളം, റോഡ്, റെയിൽവേ, തുറമുഖ സൗകര്യങ്ങൾ എന്നിവയുടെ അപര്യാപ്തത വ്യവസായങ്ങളുടെ സ്ഥാപനത്തിനും വിപുലീകരണത്തിനും തടസ്സമായി മാറുന്നതായി വിലയിരുത്തിയിട്ടുണ്ടോ; എങ്കിൽ ഈ പ്രശ്നങ്ങൾ പരിഹരിക്കാൻ സ്വീകരിച്ചിട്ടുള്ള പ്രധാന നടപടികൾ എന്തൊക്കെയാണെന്നറിയിക്കാമോ;

നിലവിലുള്ള റോഡ്, റെയിൽവേ അടിസ്ഥാന സൗകര്യങ്ങളുടെ അപര്യാപ്തതയും പരിപാലനക്കുറവും കാരണം ഗതാഗത ചെലവ് വർധിക്കുകയും വ്യവസായ ഉൽപ്പാദന നിരക്ക് കുറയുകയും ചെയ്യുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ വ്യവസായ മേഖലകളുമായി ബന്ധിപ്പിക്കുന്ന ഗതാഗത അടിസ്ഥാന സൗകര്യങ്ങൾ മെച്ചപ്പെടുത്തുന്നതിനായി സ്വീകരിച്ച നടപടികൾ എന്തൊക്കെയാണെന്ന് വിശദമാക്കാമോ?

സംസ്ഥാനത്തിന്റെ സ്വപ്നപദ്ധതിയായ വിഴിഞ്ഞം തുറമുഖം യാഥാര്‍ത്ഥ്യമാക്കിയെന്ന ചരിത്രപരമായ നേട്ടം കൈവരിക്കുന്നതിന് സര്‍ക്കാര്‍ നടത്തിയ പ്രവര്‍ത്തനങ്ങള്‍ എന്തൊക്കെയാണെന്ന് വിശദമാക്കാമോ;

തുറമുഖത്തിന്റെ രണ്ടാം ഘട്ട നിര്‍മ്മാണ പ്രവര്‍ത്തനത്തിന്റെയും അനുബന്ധ അടിസ്ഥാന സൗകര്യവികസനത്തിന്റെയും പുരോഗതി വിലയിരുത്തിയിട്ടുണ്ടോ; വ്യക്തമാക്കാമോ;

വിഴിഞ്ഞം തുറമുഖ പദ്ധതി മുഖേന കൈവരിച്ച നേട്ടങ്ങള്‍ വിശദീകരിക്കാമോ;

അന്താരാഷ്ട്ര തുറമുഖമെന്ന നിലയില്‍ പ്രവര്‍ത്തിക്കുന്നതിനാവശ്യമായ ഏതെല്ലാം അനുമതികള്‍ വിഴിഞ്ഞം തുറമുഖത്തിന് ലഭിച്ചിട്ടുണ്ട്; ഏതെല്ലാം അനുമതികള്‍ ഇനി ലഭിക്കുവാനുണ്ട്; വിശദാംശം നൽകാമോ?

2023-ല്‍ പുറത്തിറക്കിയ വ്യവസായ നയത്തിന്റെ തുടർച്ചയായി പ്രഖ്യാപിച്ച ഉപമേഖലാ നയങ്ങളും ചട്ടക്കൂടുകളും സംസ്ഥാനത്തെ നിലവിലെ വ്യവസായ സൗഹൃദാന്തരീക്ഷം കൂടുതല്‍ മെച്ചപ്പെടുത്തുമോയെന്ന് വിശദമാക്കാമോ;

ഉപമേഖലാ നയങ്ങളുടെയും ചട്ടക്കൂടുകളുടെയും ഭാഗമായി രാജ്യത്താദ്യമായി ഇ. എസ്. ജി.നയം (എൻവയോൺമെന്റൽ സോഷ്യല്‍ ആൻഡ് ഗവേണന്‍സ് പോളിസി) രൂപീകരിക്കുവാന്‍ സംസ്ഥാനത്തിന് കഴിഞ്ഞിട്ടുണ്ടോ; വ്യക്തമാക്കാമോ;

സാങ്കേതികവിദ്യയും ഗവേഷണ-വികസനവും അടിസ്ഥാനമാക്കി വിജ്ഞാനാധിഷ്ഠിത വ്യവസായവല്‍ക്കരണത്തിന് ഉതകുന്ന ഏതെല്ലാം നിര്‍ദ്ദേശങ്ങളാണ് ഇതിന്റെ ഭാഗമായി മുന്നോട്ട് വച്ചിട്ടുളളതെന്ന് വ്യക്തമാക്കാമോ;

ഹൈടെക് മാനുഫാക്ചറിംഗ് പാർക്കുകളുടെയും ഇന്നവേഷൻ ക്ലസ്റ്ററുകളുടെയും നിർമ്മാണത്തിന് മുൻഗണന നൽകുന്നതിനായി നയപരിപാടി രൂപീകരിച്ചിട്ടുണ്ടോ; വ്യക്തമാക്കാമോ?

സംസ്ഥാനത്തെ വൈദ്യുതി വിതരണ ശൃംഖല ഹൈടെക് നിലവാരത്തിലേക്ക് ഉയർത്തുന്നതിനും ഗുണമേന്മയുള്ളതും തടസ്സരഹിതവുമായ വൈദ്യുതി വിതരണം ഉറപ്പാക്കുന്നതിനും കഴിഞ്ഞിട്ടുണ്ടോ; വ്യക്തമാക്കാമോ;

സ്മാർട്ട് ഗ്രിഡ് എന്ന ലക്ഷ്യം മുൻനിർത്തി ഈ മേഖലയിൽ നടപ്പാക്കുന്ന പ്രവർത്തനങ്ങളുടെ പുരോഗതി വിലയിരുത്തിയിട്ടുണ്ടോ; വിശദമാക്കാമോ;

ഇതിന്റെ ഭാഗമായി സ്കാഡ-എ. ഡി. എം. എസ്.(സൂപ്പർവൈസറി കൺട്രോൾ ആൻഡ് ഡാറ്റ അക്വിസിഷൻ - അഡ്വാൻസ്ഡ് ഡിസ്ട്രിബ്യൂഷൻ മാനേജ്മെന്റ് സിസ്റ്റം) എന്ന നൂതനപദ്ധതി സംസ്ഥാനത്ത് നടപ്പാക്കുവാന്‍ തീരുമാനിച്ചിട്ടുണ്ടോ; വിശദമാക്കാമോ;

വേനൽക്കാലത്തെ അമിതമായ വൈദ്യുതി ഉപയോഗം മൂലം ട്രാൻസ്ഫോർമറുകളിൽ ഉണ്ടാകുന്ന ക്രമാതീതമായ ലോഡ് നിയന്ത്രിക്കുന്നതിനാവശ്യമായ ക്രമീകരണങ്ങൾ ഈ പദ്ധതിയുടെ ഭാഗമായി പരിഗണനയിലുണ്ടോ; വ്യക്തമാക്കാമോ?

ലോകത്ത് വിവരസാങ്കേതികവിദ്യാ രംഗത്തുണ്ടായിട്ടുള്ള നേട്ടങ്ങള്‍ സഹകരണമേഖലയിലും എത്തിക്കുന്നതിന് സര്‍ക്കാര്‍ നടത്തിയിട്ടുള്ള പ്രവര്‍ത്തനങ്ങളുടെ പുരോഗതി വിലയിരുത്തിയിട്ടുണ്ടോ; വിശദാംശം നല്‍കാമോ;

പ്രാഥമിക കാര്‍ഷികവായ്പാ സഹകരണ സംഘങ്ങളില്‍ ഏകീകൃത സോഫ്റ്റ്‍വെയര്‍ സംവിധാനം ഏര്‍പ്പെടുത്തിയിട്ടുണ്ടോ; വ്യക്തമാക്കുമോ;

സഹകരണ വിപണന രംഗം ഹൈ-ടെക് ആക്കുന്നത് ലക്ഷ്യമിട്ട് ഓണ്‍ലൈന്‍ പ്ലാറ്റ്ഫോം തയ്യാറാക്കിയിട്ടുണ്ടോ; വിശദാംശം നല്‍കാമോ;

സഹകരണ സംഘങ്ങളുടെ ബൈലോ രജിസ്ട്രേഷന്‍, ഭേദഗതി തുടങ്ങിയ പ്രവര്‍ത്തനങ്ങള്‍ സുഗമമായും സുതാര്യതയോടെയും കൈകാര്യം ചെയ്യുന്നതിന് സോഫ്റ്റ്‍വെയര്‍ സംവിധാനം ഉപയോഗിക്കുന്നതിന് തീരുമാനിച്ചിട്ടുണ്ടോ; വിശദമാക്കാമോ?

സംസ്ഥാനം സാമ്പത്തിക പ്രതിസന്ധി നേരിടുന്നുവെന്ന് 2025-ൽ പ്രസിദ്ധീകരിച്ച സി. എ. ജി. റിപ്പോർട്ടിൽ രേഖപ്പെടുത്തിയിരിക്കുന്നത് ഗൗരവത്തോടെ കാണുന്നുണ്ടോ;

അഞ്ചു വർഷം കൊണ്ട് ഒരു ലക്ഷം കോടി രൂപ വായ്പ ഇനത്തിൽ തിരിച്ചടയ്ക്കണമെന്ന സി. എ. ജി. റിപ്പോർട്ടിലെ കണ്ടെത്തൽ ശ്രദ്ധയിൽപ്പെട്ടിട്ടുണ്ടോ;

കടമെടുത്ത തുകയുടെ വെറും 5.18 ശതമാനം മാത്രമാണ് വികസന പദ്ധതികൾക്കായി ചെലവഴിക്കാൻ കഴിഞ്ഞതെന്ന പ്രസ്തുത റിപ്പോർട്ടിലെ കണ്ടെത്തലുകൾ സർക്കാർ ഗൗരവത്തോടെ കാണുന്നുണ്ടോ; വ്യക്തമാക്കുമോ?

ശബരിമല തീര്‍ത്ഥാടനവുമായി ബന്ധപ്പെട്ട് ഏറ്റവും മികച്ച തീര്‍ത്ഥാടനാനുഭവം നല്‍കുന്നതിന് നടത്തിയിട്ടുള്ള പ്രവര്‍ത്തനങ്ങള്‍ ഉദ്ദേശ്യലക്ഷ്യത്തിലെത്തിയിട്ടുണ്ടോ; ഈ സീസണില്‍ തീര്‍ത്ഥാടകരുടെ എണ്ണത്തില്‍ ഗണ്യമായ വര്‍ദ്ധനയുണ്ടായിട്ടുണ്ടോ; വ്യക്തമാക്കുമോ;

കാനന പാതയിലൂടെ സന്നിധാനത്തേക്ക് എത്തുന്ന ഭക്തരുടെ എണ്ണത്തില്‍ വര്‍ദ്ധനവ് ഉണ്ടായിട്ടുണ്ടോ; ഈ രീതിയില്‍ എത്തുന്നവരുടെ സുരക്ഷയ്ക്കും സുഗമമായ സഞ്ചാരത്തിനും എന്തൊക്കെ ക്രമീകരണങ്ങളാണ് ഏര്‍പ്പെടുത്തിയിട്ടുള്ളത്; വിശദമാക്കുമോ;

മണ്ഡല പൂജയ്ക്കെത്തുന്ന മുഴുവന്‍ തീര്‍ത്ഥാടകര്‍ക്കും സുഗമമായ ദര്‍ശനം ഉറപ്പുവരുത്തുന്നതിന് കഴിഞ്ഞിട്ടുണ്ടോ; വ്യക്തമാക്കാമോ?

കേന്ദ്രാവിഷ്കൃത പദ്ധതികളുടെ വിഹിതം ഗണ്യമായി വെട്ടിക്കുറച്ച് മുഴുവൻ സാമ്പത്തികഭാരവും സംസ്ഥാനങ്ങളുടെ മേൽ അടിച്ചേൽപ്പിക്കുന്ന പ്രവണത വർദ്ധിക്കുന്നതായി ശ്രദ്ധയിൽപ്പെട്ടിട്ടുണ്ടോ; ഈ സ‍ർക്കാരിന്റെ കാലയളവിൽ വിവിധ പദ്ധതികൾ നടപ്പാക്കുന്നതിൽ ഇതുമൂലമുണ്ടായ ഉണ്ടായ അധികചെലവ് എത്രയെന്ന് കണക്കാക്കിയിട്ടുണ്ടോ; വിശദമാക്കുമോ;

കേന്ദ്രാവിഷ്കൃത പദ്ധതികൾക്കുളള വിഹിത അനുപാതത്തിൽ വീണ്ടും മാറ്റം വരുത്തുന്നത് ജനപ്രിയ പദ്ധതികളുടെ നടത്തിപ്പിനെ ഏതു രീതിയിൽ ബാധിക്കുമെന്ന് വിലയിരുത്തിയിട്ടുണ്ടോ; വിശദമാക്കുമോ;

സംസ്ഥാനം നടപ്പാക്കിയ തൊഴിലുറപ്പ് പദ്ധതി വിഹിതത്തിലും ഇത്തരത്തിൽ അനുപാതം മാറ്റി നിശ്ചയിച്ചിട്ടുണ്ടോ; ഇതിലൂടെ ഉണ്ടാകുന്ന അധിക ചെലവ് എത്രയെന്ന് വ്യക്തമാക്കുമോ;

കേന്ദ്ര സർക്കാർ സംസ്ഥാനത്തോട് വിവേചനപരമായ നടപടികൾ സ്വീകരിച്ചുവരുന്നുണ്ടോ; വിശദമാക്കാമോ; വർദ്ധിച്ച ചെലവുകൾ നേരിടുന്നതിന് തനത് വരുമാനം ഉയ‍ർത്തുവാൻ കഴിഞ്ഞിട്ടുണ്ടോയെന്ന് അറിയിക്കാമോ?

സർക്കാരിന്റെ വിവിധ ഇനങ്ങളിലുളള ചെലവ് ഉയർന്നതുമൂലം റവന്യൂ-ധനകമ്മി ബജറ്റിൽ പ്രതീക്ഷിച്ചതിനേക്കാൾ കൂടിയതായി കണ്ടെത്തിയിട്ടുണ്ടോ; വ്യക്തമാക്കാമോ;

ഇതുമൂലം സംസ്ഥാനം ഗുരുതരമായ സാമ്പത്തിക പ്രതിസന്ധി നേരിടുകയാണെന്നത് ഗൗരവമായി പരിഗണിച്ചിട്ടുണ്ടോ; വിശദമാക്കാമോ;

നടപ്പുസാമ്പത്തിക വർഷത്തെ അവശേഷിക്കുന്ന കാലയളവിലെ ചെലവുകൾക്കായി എപ്രകാരം തുക ​കണ്ടെത്താനാണ് ഉദ്ദേശിക്കുന്നതെന്ന് വിശദമാക്കുമോ?

സംസ്ഥാനത്തിന്റെ അനുവദനീയമായ കടമെടുപ്പ് പരിധിയിൽ കേന്ദ്രസര്‍ക്കാര്‍ വെട്ടിക്കുറവ് വരുത്തിയിട്ടുണ്ടോ; ഇതിലൂടെ ഈ സാമ്പത്തിക വര്‍ഷം ഉണ്ടാകുന്ന കുറവ് എത്രയാണ്; വിശദമാക്കാമോ;

ഈ സര്‍ക്കാരിന്റെ കാലയളവില്‍ കടമെടുപ്പ് പരിധിയിലെ വെട്ടിക്കുറവ് കാരണം ഉണ്ടായിട്ടുളള വരുമാന നഷ്ടം എത്രയെന്ന് കണക്കാക്കിയിട്ടുണ്ടോ; വിശദാംശം നല്‍കുമോ;

കേന്ദ്രസര്‍ക്കാരിന്റെ ഇത്തരം നടപടികളെ എതിര്‍ക്കുന്നതിനോ ഈ വിഷയം ചര്‍ച്ച ചെയ്യുന്നതിനോ അര്‍ഹതപ്പെട്ട വിഹിതം ചോദിച്ചുവാങ്ങുന്നതിനോ സംസ്ഥാനത്തുനിന്നുളള ചില ജനപ്രതിനിധികള്‍ ശ്രമിക്കുന്നില്ലെന്നുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

ഇതു സംബന്ധിച്ച് ഇടപെടുന്ന ജനപ്രതിനിധികളുടെ നിവേദനങ്ങൾക്ക് പാര്‍ലമെന്റിനകത്ത് അനുഭാവപൂര്‍ണ്ണമായ മറുപടി നല്‍കുമ്പോഴും സംസ്ഥാന താത്പര്യങ്ങള്‍ സംരക്ഷിക്കുന്ന തരത്തില്‍ കേന്ദ്രസര്‍ക്കാരില്‍ നിന്നും തീരുമാനങ്ങള്‍ ഉണ്ടാകുന്നില്ല എന്നത് പരിഗണിച്ച് നിയമ നടപടി ആരംഭിക്കുവാന്‍ കഴിഞ്ഞിട്ടുണ്ടോ; വ്യക്തമാക്കുമോ;

സംസ്ഥാനത്തിന്റെ പൊതുകടം സംബന്ധിച്ച് സി. എ. ജി.യുടെ റിപ്പോര്‍ട്ട് പുറത്തുവന്നിട്ടുണ്ടോ; വിശദാംശം നല്‍കാമോ?

ഈ സർക്കാരിന്റെ കാലയളവിൽ ക്രമാനുഗതമായി റവന്യൂ കമ്മി ഇല്ലാതാക്കിയും കടം നിയന്ത്രിച്ചും സാമ്പത്തിക സ്ഥിതി മെച്ചപ്പെടുത്തുവാൻ ഉദ്ദേശിച്ചുകൊണ്ടുള്ള സാമ്പത്തിക ഉത്തരവാദിത്ത നിയമം അതിന്റെ ലക്ഷ്യം കൈവരിക്കുന്നതിൽ എത്രമാത്രം പുരോഗതി പ്രാപിച്ചുവെന്ന് വ്യക്തമാക്കാമോ;

അധിക വരുമാന ആസ്തികൾ സൃഷ്ടിക്കുന്നതിന് ഈ സർക്കാരിന്റെ കാലയളവിൽ ആവിഷ്കരിച്ച പദ്ധതികൾ എന്തെല്ലാമെന്നും ഇതുമൂലം സമ്പദ്‍വ്യവസ്ഥയില്‍ കൊണ്ടുവരാൻ കഴിഞ്ഞിട്ടുള്ള മാറ്റങ്ങള്‍ എന്തെല്ലാമാണെന്നും വ്യക്തമാക്കാമോ;

സംസ്ഥാനത്തിന്റെ സാമ്പത്തിക ഭദ്രത ഉറപ്പാക്കുന്നതിനായി പുതുതായി എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കാമോ?

വിഴിഞ്ഞം തുറമുഖത്തിനായുള്ള അനുബന്ധ സൗകര്യ നിര്‍മ്മാണ പ്രവര്‍ത്തനങ്ങളുടെ പുരോഗതി ഏത് ഘട്ടത്തിലാണെന്ന് വിശദമാക്കാമോ;

വിഴിഞ്ഞം തുറമുഖത്തുനിന്നും കരമാര്‍ഗ്ഗം ചരക്കുനീക്കം സാധ്യമാക്കുന്നതിനായി സ്വീകരിച്ച നടപടികള്‍ എന്തെല്ലാമാണെന്നും തുറമുഖത്തിലേക്കുള്ള അപ്രോച്ച് റോഡിനെ ദേശീയപാത (എന്‍.എച്ച്-66) യുമായി ബന്ധിപ്പിക്കുന്നതിനായി സ്വീകരിച്ച നടപടികൾ എന്തെല്ലാമാണെന്നും വ്യക്തമാക്കാമോ;

വിഴിഞ്ഞം തുറമുഖ മേഖലയിലെ ജനങ്ങളുടെ ക്ഷേമത്തിനായി സ്വീകരിച്ച നടപടികളുടെ വിശദാംശം ലഭ്യമാക്കാമോ;

പ്രദേശത്തെ മാലിന്യ നിര്‍മ്മാര്‍ജനവുമായി ബന്ധപ്പെട്ട് നടപ്പാക്കാനുദ്ദേശിക്കുന്ന പ്രവര്‍ത്തനങ്ങള്‍ എന്തൊക്കെയാണെന്നും അവയുടെ നിലവിലെ സ്ഥിതിയെന്തെന്നും വിശദമാക്കാമോ?

വൈദ്യുതി ഉല്പാദന-പ്രസരണ-വിതരണ രംഗങ്ങളിൽ നടപ്പിലാക്കിയ പ്രവർത്തനങ്ങൾ കെ. എസ്. ഇ. ബി. ക്ക് പ്രവർത്തനലാഭം നേടുന്നതിന് സഹായകരമായിട്ടുണ്ടോ; വിശദമാക്കാമോ;

ഈ സര്‍ക്കാരിന്റെ കാലയളവില്‍ ആഭ്യന്തര ഉല്പാദനം വര്‍ദ്ധിപ്പിക്കുവാന്‍ കഴിഞ്ഞിട്ടുണ്ടോ; വ്യക്തമാക്കാമോ;

ഈ സർക്കാരിന്റെ കാലയളവിൽ വൈദ്യുതി വാങ്ങുന്നതിനുള്ള ചെലവ് കുറയ്ക്കുവാൻ സാധിച്ചിട്ടുണ്ടോ; ഇത് കെ. എസ്. ഇ. ബി. യുടെ അറ്റാദായം വർദ്ധിപ്പിക്കാൻ സഹായകമായോയെന്ന് വിശദമാക്കാമോ;

വൈദ്യുതി വിതരണം കാര്യക്ഷമമാക്കുന്നതിനായി സ്മാര്‍ട്ട് മീറ്ററുകള്‍ സ്ഥാപിക്കുന്നത് സംബന്ധിച്ച നടപടികളിലെ പുരോഗതി വിലയിരുത്തിയിട്ടുണ്ടോ; വിശദാംശം നല്‍കാമോ?

സംസ്ഥാനം വായ്പയെടുക്കുന്നതിന് കേന്ദ്രസർക്കാർ ഏർപ്പെടുത്തിയ നിബന്ധനകൾ സംസ്ഥാനത്തെ സാമ്പത്തികമായി കൂടുതൽ സമ്മർദ്ദത്തിലാക്കാനുദ്ദേശിച്ചുള്ളതാണെന്ന് കരുതുന്നുണ്ടോ; വിശദമാക്കാമോ;

കേന്ദ്രാവിഷ്കൃത പദ്ധതികളുടെ രൂപീകരണത്തിലും നടത്തിപ്പിലും സംസ്ഥാനങ്ങളുടെ പ്രത്യേക സാഹചര്യം കണക്കിലെടുക്കാറുണ്ടോ; കേന്ദ്രാവിഷ്കൃത പദ്ധതികളിലെ കേന്ദ്ര സർക്കാരിന്റെ പ്രാമുഖ്യം സംസ്ഥാന സര്‍ക്കാരിന്റെ ഇടപെടലുകളെ ഗണ്യമായി പരിമിതപ്പെടുത്തിയിട്ടുണ്ടോ; വിശദമാക്കാമോ;

സംസ്ഥാനങ്ങൾക്ക് കൂടുതൽ സാമ്പത്തിക ബാധ്യത വരുത്തുന്ന രീതിയിൽ കേന്ദ്രാവിഷ്കൃത പദ്ധതികളുടെ ചെലവ് പങ്കിടൽ വ്യവസ്ഥ പുനഃക്രമീകരിച്ചതുമൂലം സംസ്ഥാനത്തിന് കൂടുതൽ സാമ്പത്തിക ബാധ്യത ഉണ്ടായിട്ടുണ്ടോയെന്ന് വിശദമാക്കാമോ;

സംസ്ഥാനത്തിന്റെ തനത് നികുതി-നികുതിയേതര വരുമാനം വർദ്ധിപ്പിച്ചും അനാവശ്യ ചെലവുകൾ ചുരുക്കിയും വികസന ക്ഷേമ പ്രവർത്തനങ്ങൾക്കാവശ്യമായ വിഭവങ്ങൾ സമാഹരിക്കാനുള്ള തീവ്രശ്രമം നടത്തുന്നുണ്ടോ; വിശദമാക്കാമോ?

നിലവിലെ സർക്കാരിന്റെ കാലയളവിൽ ജലവൈദ്യുത പദ്ധതികളുടെ നിര്‍മ്മാണത്തിലും പൂര്‍ത്തീകരണത്തിലും ഉണ്ടായിട്ടുള്ള പുരോഗതി വിലയിരുത്തിയിട്ടുണ്ടോ; വിശദീകരിക്കാമോ;

മുടങ്ങിക്കിടന്ന ഏതെല്ലാം ജലവൈദ്യുത പദ്ധതികള്‍ പൂര്‍ത്തീകരിക്കാന്‍ കഴിഞ്ഞിട്ടുണ്ട്; വ്യക്തമാക്കാമോ;

ജലവൈദ്യുത പദ്ധതികളില്‍ നിന്നുള്ള ആകെ വൈദ്യുതി ഉല്പാദനം എത്രയാണ്; ഈ സര്‍ക്കാരിന്റെ കാലയളവില്‍ ഉല്പാദനത്തിലുണ്ടായ വര്‍ദ്ധനവ് എത്രയാണ്; വിശദാംശം നല്‍കാമോ;

ഈ രംഗത്ത് നടപ്പാക്കാന്‍ തീരുമാനിച്ചിട്ടുള്ള പുതിയ പദ്ധതികള്‍ ഏതെല്ലാം; വിശദമാക്കാമോ?

വ്യവസായ സൗഹൃദ അന്തരീക്ഷത്തിന്റെ കാര്യത്തിൽ രാജ്യത്ത് ഒന്നാം സ്ഥാനം കൈവരിക്കാൻ സംസ്ഥാനത്തിന് കഴിഞ്ഞിട്ടുണ്ടോ; വിശദമാക്കാമോ;

അന്തര്‍ദേശീയ തലത്തില്‍ ശ്രദ്ധിയാകർഷിക്കുന്ന തരത്തില്‍ സംസ്ഥാനത്തിലെ വ്യവസായ അന്തരീക്ഷത്തെ മികച്ചതാക്കി മാറ്റുന്നതിനായി സര്‍ക്കാര്‍ നടത്തിയിട്ടുള്ള ഇടപെടലുകളെക്കുറിച്ച് വിശദമാക്കാമോ;

നിക്ഷേപ സൗഹൃദ അന്തരീക്ഷം മെച്ചപ്പെടുത്തിയത് സംസ്ഥാനത്തേക്ക് നിക്ഷേപങ്ങള്‍ എത്തിക്കുന്നതിന് സഹായകമായിട്ടുണ്ടോ; വിശദമാക്കാമോ;

സംസ്ഥാനം വ്യവസായത്തിന് അനുയോജ്യമല്ലെന്ന പ്രചരണങ്ങളെ തിരുത്തിക്കൊണ്ട് സർക്കാർ നടപ്പിലാക്കിയ പരിഷ്കാരങ്ങളുടെ ഭാഗമായി മുന്നോട്ടു വച്ച സംരംഭക വർഷം, ആഗോള നിക്ഷേപക സംഗമം എന്നീ പദ്ധതികൾ വിജയകരമായി മാറ്റുവാന്‍ സാധിച്ചിട്ടുണ്ടോ; വിശദമാക്കാമോ?

വിഴിഞ്ഞം തുറമുഖം പൂർണ്ണസജ്ജമാകുന്നതോടെ സുഗമമായ ചരക്കു നീക്കത്തിനായി മറ്റ് ചെറുകിട-ഇടത്തരം തുറമുഖങ്ങളും വികസിപ്പിക്കപ്പെടേണ്ടതാണെന്ന് കരുതുന്നുണ്ടോ; വ്യക്തമാക്കാമോ;

ഇതിനായി ഏതെല്ലാം തുറമുഖങ്ങൾ വികസിപ്പിക്കുന്നതിനാണ് സർക്കാർ ഉദ്ദേശിക്കുന്നത്; ഇതിൽ സ്വകാര്യ പങ്കാളിത്തം ഉൾപ്പെടുത്തുന്നതിന് ഉദ്ദേശിക്കുന്നുണ്ടോ; എങ്കിൽ വിശദാംശം നൽകുമോ?

പത്തു ലക്ഷം രൂപയ്ക്ക് മുകളിലുള്ള ബില്ലുകൾ ട്രഷറിയിൽ മാറുന്നതുമായി ബന്ധപ്പെട്ട് 19/08/2025-ലെ ധനകാര്യ വകുപ്പിന്റെ ഉത്തരവ് പ്രകാരം ഏർപ്പെടുത്തിയ ട്രഷറി നിയന്ത്രണം നിലവിൽ തുടരുന്നുണ്ടോ; വ്യക്തമാക്കാമോ;

പ്രസ്തുത നിയന്ത്രണം നിലനിൽക്കുന്നുണ്ടെങ്കിൽ സാമ്പത്തിക വർഷം അവസാനിക്കാൻ രണ്ടര മാസം മാത്രം ശേഷിച്ചിരിക്കെ ട്രഷറി നിയന്ത്രണം ഒഴിവാക്കാൻ സർക്കാർ തയ്യാറാകുമോ; വ്യക്തമാക്കാമോ?